Tihlabelelo 145:11 - Siswati 1996 Bible

¹¹ Bayawudvumisa ngenkhatimulo yebukhosi bakho, bashumayele ngemandla akho;

Tihlabelelo 145:11 Referencias Cruzadas

Tihlabelelo 96:10

Memetelani emkhatsini wetive nitsi: “Simakadze yiNkhosi, uyabusa! Yebo, umhlaba usinyisiwe, ungeke utanyatanyiswe, nguye loyakwehlulela tive ngebucotfo.”

Isaya 11:1

Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 24:23

Inyanga iyawufiphala, lilanga lidliwe ngemahloni; ngobe Simakadze longuSomandla uyawubusa eNtsabeni yaseSiyoni naseJerusalema, yebo, abuse ngeludvumo embikwebaholi bayo.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’