Tihlabelelo 14:4 - Siswati 1996 Bible

⁴ Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Tihlabelelo 14:4 Referencias Cruzadas

Jobe 21:15

Ngubani yena loSomandla kutsi singakhonta yena? Yini nje lesingayitfola ngekuthandaza kuye?’

Jobe 27:10

Uyawutijabulisa yini ngaSomandla? Uyawulibita ngaso sonkhe sikhatsi yini libito laNkulunkulu?

Tihlabelelo 27:2

Nangihlaselwa ngulababi betama kungimita bangibulale, ngihlaselwe titsa nalabamelene nami, bayawukhubeka, bawele phansi.

Tihlabelelo 79:6

Tfululela lulaka lwakho etikwetive letingakwati wena, nasetikwemibuso lengakhuleki kuwe.

Tihlabelelo 82:5

“Abati lutfo, abacondzi lutfo, badvukuta ebumnyameni; tonkhe tisekelo temhlaba tiyatanyatanyiswa.

Taga 30:14

Labanye bantfu banematinyo latinkemba, nemihlatsi lengimikhwa; yebo, babukhali. Baloshela bamite tonkhe timphuya emhlabeni.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Isaya 45:20

“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Isaya 5:13

Ngako-ke lesive sami sitawutfunjwa ngenca yekubate kucondza, emadvodza aso lanetikhundla atakuwa abulawe yindlala, tincumbi taso tiyawuhashulwa komela emanti.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Jeremiya 10:25

Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.

Hoseya 7:7

Bonkhe bashisa njengelihhavu, bashwabudzela babusi babo. Onkhe emakhosi abo ayawa, kute namunye emkhatsini wabo locela lusito kimi.”

Amose 8:4

Lalelani lapha, nine lenigcobagcoba labeswele nibuye nicedze bonkhe labamphofu balelive,

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

KubaseGalathiya 5:15

Kodvwa nanilumana nidlane nodvwana, nibocaphela kutsi ningacedzani.