Tihlabelelo 139:21 - Siswati 1996 Bible

²¹ Simakadze, angibatondzi yini labo labatondza wena? Anginengwa yini ngulabo labakuvukelako?

Tihlabelelo 139:21 Referencias Cruzadas

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

Tihlabelelo 119:136

Emehlo ami ageleta tinyembeti, ngobe bantfu abawugcini umtsetfo wakho.

Tihlabelelo 119:158

Nangibuka tihlubuki, ngifikelwa kumangala, ngobe atiyigcini imiyalo yakho.

Tihlabelelo 15:4

Akamtsandzi losalahlwe nguNkulunkulu, kodvwa uyabatisa labesaba Simakadze. Wenta sifungo, asigcine, nome sekumatima.

Tihlabelelo 26:5

Ngiyayitondza inhlangano yalababi, futsi angihlali nalababi.

Tihlabelelo 31:6

Ngiyabatondza labakhonta tithico, mine ngetsembele kuSimakadze.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Makho 3:5

Wabatsi cala cala, acansukile, wadzabuka ngobe tinhlitiyo tabo tatilukhuni, tinenkhani, wase utsi kulomuntfu: “Yelula sandla sakho!” Waselula, saphila.

Lukha 19:41

Asasondzela eJerusalema wayibuka wayililela.

Sembulo 2:2

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.

Sembulo 2:6

Noko, naku lokuhle ngawe: Uyayitondza imisebenti yemaNikholawu, njengobe nami ngiyitondza.