Tihlabelelo 138:7 - Siswati 1996 Bible

⁷ Nome sengitungeletwe tinhlupheko, wena, Simakadze, uyayiphephisa imphilo yami, ungivikele elulakeni lwetitsa tami, unginyomule ngesandla sakho sekudla.

Tihlabelelo 138:7 Referencias Cruzadas

Jobe 13:15

Nome angangibulala, noko ngitakwetsembela kuye. Nakanjani ngitatikhulumela embikwakhe ngetindlela tami.

Tihlabelelo 17:7

Khombisa ubonakalise umusa wakho lomangalisako. Wena ungumsindzisi walabo labatsi nababaleka etitseni tabo bete kuwe, njengesiphephelo sabo.

Tihlabelelo 18:17

Wangephula esitseni sami lesinemandla, wangephula nakulabangitondzako, ngobe babenemandla kakhulu kunami.

Tihlabelelo 18:18

Bangidvumela ngesikhatsi ngehlelwa sehlakalo, kodvwa Simakadze waba sihlangu sami.

Tihlabelelo 18:35

Ungihlomisa ngesihlangu sensindziso yakho. Sandla sakho sangesekudla sangisimisa, utehlisa wena kuze uphakamise mine.

Tihlabelelo 20:6

Nyalo sengiyati kutsi Simakadze uyamsindzisa logcotjiwe wakhe, uyawumphendvula asezulwini lakhe lelingcwele, amphendvule ngemandla akhe ekusindzisa, esandla sakhe sangesekudla.

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Tihlabelelo 56:9

Ngako titsa tami tiyawuncandzeka ngalelo langa lengiyawukhala ngalo kuwe, ngati kahle kamhlophe kutsi Nkulunkulu ungakimi.

Tihlabelelo 60:5

Sisindzise ngesandla sakho sekudla, usiphendvule, kuze labatsandzekako bakho bakhululwe.

Tihlabelelo 77:10

Ngibese ngitsi: “Naku lokungihluphako: Sandla sangesekudla saLosetikwako Konkhe sesijikile.”

Tihlabelelo 85:6

Ungeke yini usivuselele siphile, kuze kutsi sive sakho sijabule kuwe?

Isaya 10:4

Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Isaya 9:17

Ngako-ke Simakadze ngeke ajabule ngemajaha abo, futsi ngeke abadzabukele labo labangenaboyise kanye nebafelokati, ngobe bonkhe abanaNkulunkulu, futsi babi, bonkhe bakhuluma emanyala. Noko ngako konkhe loku, lulaka lwakhe alukagucuki, sandla sakhe sisephakeme.

Isaya 9:21

bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 51:25

“Ngimelene nawe, wena ntsaba lebhubhisako, wena lobhubhisa umhlaba wonkhe,” kusho Simakadze. “Ngiyakwelula sandla sami silwe nawe, ngikugicite ngikwehlise eticongweni, ngikwente ube yintsaba leshisiwe.

Imisebenti yebaPhostoli 2:33

Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.