Tihlabelelo 137:3 - Siswati 1996 Bible

³ Batfumbi betfu batsi asibahlabelele, nebagcilati betfu basiphukuta ngekutsi asihlabele tingoma tekujabula, batsi: “Ase nisihlabelele lenye yetingoma tenu taseSiyoni.”

Tihlabelelo 137:3 Referencias Cruzadas

1 Tikhronike 15:27

Davide abembetse umjiva lowawentiwe ngelineni lecolisakele, njengawo onkhe lamaLevi labetfwele libhokisi lesivumelwane saSimakadze, nanjengalabo bahlabeli, naKhenaniya labengamele lawo makwaya ekuhlabela; Davide abembetse nesidziya selineni.

1 Tikhronike 16:7

Ngalelo langa Davide wacala kunika Asafa kanye nalawa lamanye emaLevi kutsi ahlabele lengoma yekudvumisa kuSimakadze, letsi:

Nehemiya 4:2

akhuluma embikwebangani bakhe nasembikwemabutfo aseSamariya, watsi: “Tentani letiyatsayatsa temaJuda? Tingaluvusa yini lolubondza lwato? Tiyawunikela yini ngemihlatjelo? Tingalucedza yini ngalanga linye? Lamatje lashile aba ngumlotsa tingawavusa yini aze abe yintfo lephilako?”

Tihlabelelo 65:1

Yebo Nkulunkulu, lukufanele ludvumo eSiyoni, tetsembiso tetfu kufanele tigcwaliseke kuwe.

Tihlabelelo 79:1

Awu, Nkulunkulu! Bahedeni sebangene efeni lakho, bangcolisa lithempeli lakho lelingcwele, bagucula iJerusalema bayenta tindzala.

Tihlabelelo 80:6

Wenta kutsi bomakhelwane betfu basibange, titsa tetfu tisihleke bulima.

Tihlabelelo 9:14

kuze ngilandze ngalo lonkhe ludvumo lwakho emasangweni elidolobha laseSiyoni ngijabulele kungikhulula kwakho.

Taga 25:20

Kuhlabelela umuntfu lodzabukile kufanana nekukhumula tingubo takhe kucandza nome nekutsela viniga esilondzeni.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Jeremiya 26:18

“Mikha waseMoreshethi waphrofetha ngetikhatsi taboHezekiya, inkhosi yakaJuda. Watjela bonkhe bantfu bakaJuda watsi: ‘Naku lokushiwo nguSimakadze longuSomandla, utsi: “ ‘ISiyoni iyawulinywa njengensimi. IJerusalema iyawuba yincumbi yencintsakalo, intsaba yelithempeli ibe yindvundvuma lehlume lihlatsi letinchachabutane.’

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Lukha 21:6

“Niyakubona konkhe loku, sikhatsi siyeta lapho kuyawubate litje leliyawusala lihleti etikwalelinye; onkhe ayawudzilitelwa phansi.”