Tihlabelelo 136:24 - Siswati 1996 Bible

²⁴ Wasikhulula etitseni tetfu, ngobe umusa wakhe ume kuze kube phakadze.

Tihlabelelo 136:24 Referencias Cruzadas

Nehemiya 9:27

Ngako wabanikela etandleni tetitsa tabo letabacindzetela. Kodvwa batsi nase bacindzetelekile, bakhala kuwe. Watsi usezulwini lakho wabeva, ngesihawu sakho lesikhulu wabatfumelela bakhululi lababalamulela babasindzisa esandleni setitsa tabo.

Tihlabelelo 107:2

Labahlengwe nguSimakadze abasho njalo, bona labo labahlengwe emandleni ebacindzeteli babo.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.