Tihlabelelo 136:1 - Siswati 1996 Bible

¹ Bongani Simakadze, ngobe muhle, ngobe umusa wakhe ume kuze kube phakadze.

Tihlabelelo 136:1 Referencias Cruzadas

1 Tikhronike 16:34

“Bongani Simakadze, ngobe ulungile, nemusa wakhe ume kuze kube phakadze.

1 Tikhronike 16:41

Lababenabo bekuboHemani, naJeduthuni kanye nalabanye lababekhetsiwe ngemabito abo bakhetselwe umsebenti wekubonga Simakadze, batsi: “Ngobe umusa wakhe ume kuze kube phakadze.”

2 Tikhronike 20:21

Emvakwaloko kukhuluma kwakhe nebantfu, Jehoshafati wakhetsa emadvodza kutsi ahlabele kuSimakadze advumise inkhatimulo yebungcwele bakhe, asahamba ahola emabutfo, atsi: “Bongani Simakadze, ngobe umusa wakhe ume kuze kube phakadze.”

2 Tikhronike 7:3

Kwatsi kube onkhe ema-Israyeli abone lomlilo wehla nenkhatimulo yaSimakadze isetikwelithempeli, baguca phansi esiyilweni bakhotsama ngetinhloko tabo tibheke phansi, bakhonta Simakadze bambonga batsi: “Akabongwe Simakadze ngebuhle bakhe, ngobe umusa wakhe ume kuze kube phakadze.”

2 Tikhronike 7:6

Baphristi bema ngetindzawo tabo, njengobe kwenta nemaLevi, banetingubhu temculo, letatentiwe yinkhosi Davide, itentele kudvumisa Simakadze, letatiphindze tisetjentiswe nakambonga atsi: “Umusa wakhe ume kuze kube phakadze.” Malungana nemaLevi baphristi nabo babeshaya emacilongo, lapho onkhe ema-Israyeli aseme ngetinyawo.

Ezra 3:11

Badvumisa, babonga ngekuhlabela kuSimakadze, batsi: “Ulungile; umusa wakhe ku-Israyeli uyakuma kuze kube phakadze.” Bonkhe bantfu bamemeta kakhulu badvumisa Nkulunkulu, ngobe sisekelo sendlu yaSimakadze sasesibekiwe.

Tihlabelelo 100:5

Ngobe Simakadze muhle, umusa wakhe uhlala umile kuze kube nguphakadze naphakadze; nekwetsembeka kwakhe kuhlala kumile titukulwane ngetitukulwane.

Tihlabelelo 103:17

Kodvwa umusa waSimakadze ukubo bonkhe labamesabako, futsi uyawuhlala ukubo phakadze naphakadze, nekulunga kwakhe etikwebantfwana bebantfwana,

Tihlabelelo 105:1

Bongani Simakadze, nibite libito lakhe, nimemetele tento takhe emkhatsini wetive.

Tihlabelelo 106:1

Haleluya, dvumisani Simakadze! Bongani Simakadze ngobe muhle, nemusa wakhe ume kuze kube phakadze.

Tihlabelelo 107:1

“Dvumisani Simakadze, ngobe yena muhle, nemusa wakhe ume kuze kube phakadze.”

Tihlabelelo 118:1

Bongani Simakadze, ngobe muhle, umusa wakhe ume kuze kube phakadze.

Tihlabelelo 119:68

Wena umuhle, konkhe lokwentako kuhle, ngifundzise timiso takho.

Jeremiya 33:11

imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Lukha 1:50

Ubonakalisa sihawu sakhe kubo bonkhe labamesabako, kusukela esitukulwaneni, kuya esitukulwaneni.

YaJuda 1:21

Tigcineni elutsandvweni lwaNkulunkulu ngesikhatsi nisalindzele iNkhosi yetfu Jesu Khristu, kutsi ngemusa wayo ininike kuphila lokuphakadze.