Tihlabelelo 135:7 - Siswati 1996 Bible

⁷ Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Tihlabelelo 135:7 Referencias Cruzadas

1 Emakhosi 18:1

Emvakwesikhatsi lesidze, emnyakeni wesitsatfu wesomiso, livi laSimakadze lefika ku-Elija, latsi: “Hamba uyekutiveta ku-Ahabi, ngitawutfumela imvula eveni.”

Jobe 5:10

Unisa imvula etikwemhlaba, ehlisele emanti etikwematsafa.

Tihlabelelo 107:25

Wakhuluma kwavuka sivunguvungu, sadlondlobalisa emagagasi elwandle.

Tihlabelelo 148:8

nawe mlilo nesangcotfo, nelichwa, netinkhungu, nemoya lonemandla lolalela imiyalo yakhe.

Tihlabelelo 78:26

Wenta umoya wemphumalanga kutsi uphephetse emazulwini, emandla akhe abuyisa umoya waseningizimu.

Jeremiya 10:13

Utsi nakabhavumula, emanti asemazulwini advume; ukhuphula emafu emikhawulweni yemhlaba. Utfumela imibane kanye nemvula, akhiphe umoya lohhushako etingungwini takhe.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 51:16

Nakabhavumula yena, emanti asemazulwini ayabhodla, ukhuphula emafu emikhawulweni yonkhe yemhlaba. Utfumela umbane nemvula, akhiphe umoya etingungwini takhe.

Jona 1:4

Kodvwa Simakadze watfumela umoya lomkhulu elwandle, kwaba nesivunguvungu lesikhulu kangangekutsi umkhumbi wabasengotini yekwephuka.

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Johane 3:8

Umoya uhhusha lapho utsandza khona, uyakuva kuhhusha kwawo, kodvwa awati lapho uphuma khona nalapho uya khona. Loko-ke kufanana naye wonkhe umuntfu lotelwe nguMoya.”