Tihlabelelo 135:5 - Siswati 1996 Bible

⁵ Ngiyati kutsi mkhulu Simakadze, nekutsi Simakadze wetfu ungetulu kunabo bonkhe bonkulunkulu.

Tihlabelelo 135:5 Referencias Cruzadas

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 48:1

Simakadze mukhulu, ufanele kubongwa kakhulu, ubongeka ekhaya laNkulunkulu wetfu, lekuyintsaba yakhe lengcwele.

Tihlabelelo 89:6

Ngubani nje losesibhakabhakeni longalinganiswa nawe, Simakadze? Ngubani nje, emkhatsini wemadvodzana aNkulunkulu, longafananiswa naSimakadze?

Tihlabelelo 95:3

Ngobe Simakadze nguNkulunkulu lomkhulu, unguMbusi lomkhulu lonemandla kunabo bonkhe bonkulunkulu.

Tihlabelelo 97:9

Ngobe wena, Simakadze, unguLosetikwako Konkhe, ubusa umhlaba wonkhe, uphakeme ngetulu kwabonkulunkulu.

Isaya 40:22

Nkulunkulu uhleti esihlalweni sebukhosi etikwembulunga lengumhlaba, nebantfu bakhona bafanana netintsetse. Wendlala emazulu njengempheme, awendlale njengeliseyili entele bantfu kutsi batewuhlala kuwo.

Isaya 40:25

“Ningangilinganisa nabani nje mine? Nome-ke ngubani lofanana nami?” kusho Yena Longcwele.

Danyela 3:29

“Ngako-ke sengikhipha umtsetfosimemetelo kutsi bonkhe bantfu bato tonkhe tive netilwimi labakhuluma lokuphambene naNkulunkulu waboShadraki, naMeshaki, na-Abednego abajutjwe batokwe babe ticucu, netindlu tabo tibhidlitwe tibe tindvundvuma tetimfuhlululu, ngobe kute lomunye nkulunkulu longasindzisa ngalendlela.”

Dutheronomi 10:17

Ngobe Simakadze longuNkulunkulu wenu nguNkulunkulu wabonkulunkulu, neNkhosi yemakhosi, nguNkulunkulu lomkhulu, nalonemandla nalowesabekako; akakhetsi, kantsi futsi akadizelwa.