Tihlabelelo 133:3 - Siswati 1996 Bible

³ Kufana nematolo eNtsaba iHemoni, nakehlela eNtsabeni iSiyoni. Kulapho-ke lapho Simakadze ehlisela khona tibusiso takhe, yebo, nekuphila, kuze kube phakadze.

Tihlabelelo 133:3 Referencias Cruzadas

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Tihlabelelo 21:4

Yacela imphilo kuwe, wena wayipha emalanga lamadze phakadze naphakadze.

Tihlabelelo 21:5

Tidvumo tayo tinkhulu, ngenca yelusito lwakho, uyinike ludvumo nebukhosi.

Tihlabelelo 42:8

Shangatsi Simakadze angakhombisa umusa wakhe kimi emini, kuze kutsi ebusuku ngihlabele ngimdvumise, ngikhuleke kuNkulunkulu wekuphila kwami.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Levithikusi 25:21

Ngemnyaka wesitfupha ngiyawunehlisela tibusiso tenala yesivuno sekudla lokuyakwenela iminyaka lemitsatfu.

Mikha 5:7

Ema-Israyeli layawusindza ayawufanana nematolo lahlumelelisako latfunyelwe nguSimakadze etiveni letinyenti, afanane nemvula lenetsa lokumilako. Ayawuncika kuNkulunkulu, hhayi kumuntfu.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

Johane 5:29

Labo labente kulunga bayawuvukela ekuphileni, labente lokubi bayawuvukela ekulahlweni.”

Johane 6:68

Simoni Phetro wamphendvula watsi: “Nkhosi, singasuka kuwe siyephi? Ngobe emavi ekuphila lokuphakadze akuwe.

KubaseRoma 5:21

Ngako-ke, njengobe sono sabusa kwaba kufa, ngalokufananako kubusa kwemusa kwaba kulunga lokusiholela ekuphileni kwaphakadze ngaJesu Khristu iNkhosi yetfu.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

Dutheronomi 28:8

“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.

Dutheronomi 4:48

Lelive lalisuka e-Aroyeri emngcengcemeni weSihosha sase-Anoni, lize liyewufika eNtsabeni iSiyoni, leyo yiHemoni,

Joshuwa 13:11

Laliphindze lifake ekhatsi iGileyadi, nelive lesive sakaGeshuri nesakaMakha, nayo yonkhe iNtsaba iHemoni, nalo lonkhe laseBhashani, kuze kuyewufika eSalekha;

1 yaJohane 2:25

Nguleso-ke setsembiso Khristu lasinika sona: kuphila lokuphakadze.

1 yaJohane 5:11

Bufakazi ngulobu kutsi Nkulunkulu wasinika kuphila lokuphakadze, nalokuphila kuseNdvodzaneni yakhe.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.