Tihlabelelo 132:12 - Siswati 1996 Bible

¹² Nangabe bantfwabakho bagcina sivumelwane sami netimiso tami lengiyawubafundzisa tona, nebantfwababo futsi bayawuhlala esihlalweni sakho sebukhosi, kuze kube phakadze.”

Tihlabelelo 132:12 Referencias Cruzadas

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

1 Emakhosi 8:25

“Manje-ke, Simakadze, Nkulunkulu wema-Israyeli, gcina setsembiso sakho lowasenta encekwini yakho Davide, babe wami, ngesikhatsi utsi: ‘Ungeke umeswele umuntfu lotawuhlala embikwami esihlalweni sebukhosi saka-Israyeli, kuphela nje nangabe emadvodzana akho akucaphelisisa konkhe lakwentako, ngekuhamba kwawo embikwami, njengobe wena wentile.’

2 Tikhronike 7:18

ngiyawusimisa sihlalo sakho sebukhosi, njengobe ngametsembisa Davide, uyihlo, ngesikhatsi ngitsi: ‘Akuyikwenteka kutsi weswele umuntfu loyawuba ngumbusi wema-Israyeli.’

Tihlabelelo 102:28

Bantfwana betinceku takho bayawuhlala baphephile, intalo yabo ihlale isimiswe embikwakho.”

Tihlabelelo 115:14

Shangatsi Simakadze anganandzisela nine kanye nebantfwabenu.

Isaya 59:21

Simakadze utsi: “Mine-ke, nasi sivumelwane sami nabo, Moya wami losetikwakho nemavi ami lengiwafake emlonyeni wakho, ngeke esuke emlonyeni wakho, ngisho nasemlonyeni webantfwabakho, kanye nasemlonyeni wetitukulwane takho, kusukela kulesikhatsi kuze kube nguphakadze,” kusho Simakadze.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 33:17

“Ngobe naku lokushiwo nguSimakadze, utsi: ‘Davide ngeke eswele indvodza leyawuhlala esihlalweni sebukhosi sendlu yaka-Israyeli,

Imisebenti yebaPhostoli 2:30

Njengemphrofethi-ke ati futsi kutsi Nkulunkulu abetsembisile ngesifungo kuye kutsi uyawukhetsa lomunye wesitukulwane sakhe amente abe yiNkhosi njengaye.