Tihlabelelo 127:1 - Siswati 1996 Bible

¹ Indlu nayingakhiwa nguNkulunkulu, basebentela lite labo labayakhako. Lidolobha nalingagadvwa nguNkulunkulu, basebentela lite labo labaligadzako.

Tihlabelelo 127:1 Referencias Cruzadas

1 Emakhosi 5:12

Simakadze wapha Solomoni kuhlakanipha, njengobe abemetsembisile. Kwaba nekuthula nekuvana emkhatsini waHiramu naSolomoni, bobabili benta sivumelwane sekuthula.

1 Tikhronike 28:10

Cabangisisa-ke manje, ngobe Simakadze ukhetse wena kutsi umakhele lithempeli libe yindzawo lengcwele. Cina, uwente lowo msebenti.”

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

1 Tikhronike 29:19

Nika Solomoni, indvodzana yami, inhlitiyo letinikele kutsi agcine imiyalo, nemitsetfo kanye netimiso takho nekutsi ente konkhe lokusemandleni akhe ekwakheni lelithempeli lesengililungiselele.”

Tihlabelelo 120:1

Nangisekuhluphekeni, ngiyakhala kuSimakadze, yena angiphendvule.

Tihlabelelo 121:1

Ngiphakamisela emehlo ami etintsabeni; lusito lwami luyawuchamuka kuphi?

Tihlabelelo 122:1

Ngajabula ngesikhatsi batsi kimi: “Asambe siye endlini yaSimakadze.”

Tihlabelelo 123:1

Ngiphakamisela emehlo ami ngakuwe, wena lohleti ebukhosini bakho ezulwini.

Tihlabelelo 124:1

“Kube Simakadze abengekho ngakitsi ngabe siseyini nje?” akasho njalo Israyeli.

Tihlabelelo 125:1

Labo labetsembele kuSimakadze bafanana neNtsaba iSiyoni, lengeke itanyatanyiswe, kodvwa leyawuma kuze kube phakadze.

Tihlabelelo 126:1

Kwakungatsi siyabhudza tsine batfunjwa baseSiyoni, ngesikhatsi Nkulunkulu asibuyisela eJerusalema.

Tihlabelelo 72:1

Awu, Nkulunkulu! Nika inkhosi likhono lakho lekwehlulela nekubusa ngebucotfo unike lomntfwanenkhosi kulunga kwakho.

Tihlabelelo 78:69

Wayakha indlu yakhe lengcwele, leyayiphakeme kakhulu njengemhlaba lawusekela, kuze kube phakadze naphakadze.

Taga 16:9

Umuntfu angayihlela indlela yakhe; kodvwa nguSimakadze locondzisa tinyatselo takhe.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Ingoma Yetingoma 3:3

Balindzi basebusuku bangitfola ngesikhatsi bajikeleta ekhatsi edolobheni. Ngatsi kubo: “Nimbonile yini lotsandvwa yinhlitiyo yami?”

Ingoma Yetingoma 5:7

Balindzi basebusuku bangitfola ngesikhatsi bajikeleta ekhatsi edolobheni. Bangidzindza ngendvuku, bangilimata; bangemuka lijazi lami, labo balindzi betibondza!

Isaya 27:3

Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.

Isaya 56:10

Balindzi bema-Israyeli batimphumphutse, bonkhe abati lutfo; batigolwane, abakwati ngisho nekutsi buku; balibala kutsi bunyalala, babhudze kuphela, bayakutsandza kulala.

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Jeremiya 51:12

Phakamisani siboniso semphi, ngasetibondzeni taseBhabhulona! Cinisani bogadzi, nimise kahle balindzi, kulalela titsa endleleni! Simakadze utayiphumelelisa injongo yakhe, utakukwenta loko labekukhuluma kubantfu baseBhabhulona.

Jeremiya 51:31

Sigijimi lesinye silandzela lesinye, nesitfunywa silandzela lesinye sitfunywa kuyawubikela inkhosi yaseBhabhulona kutsi lonkhe lidolobha layo selitfunjiwe.

1 kubaseKorinthe 15:14

Kepha nangabe Khristu akavuswanga-ke kulabafile, kusho kutsi kushumayela kwetfu kulite, nekukholwa kwenu kulite.

1 kubaseKorinthe 3:7

Kepha lohlanyelako nome loniselako akasilutfo, kuphela nguNkulunkulu lokhulisako.

KubaseGalathiya 4:11

Ngineluvalo ngani, shangatsi konkhe lokukhandleka kwami lapho kini kwaba lite.

Dutheronomi 8:18

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

Joshuwa 2:2

Inkhosi yaseJerikho yatjelwa, kwatsiwa: “Kukhona emadvodza aka-Israyeli lasatfumbelete adzimate efika la kulobusuku; atewuhlola lelive.”