Tihlabelelo 125:5 - Siswati 1996 Bible

⁵ Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Tihlabelelo 125:5 Referencias Cruzadas

2 Samuweli 22:22

ngobe imiyalo yaSimakadze ngiyigcinile. Angikenti lutfo lolubi, angikamfulatseli Nkulunkulu wami.

Jobe 23:11

Tinyawo tami tilandzela edvutane netinyatselo takhe. Ngihamba endleleni yakhe, ngingete ngaphambuka.

Tihlabelelo 101:3

Ngingeke ngitimisele kwenta lokubi. Ngiyayenyanya imisebenti yalabahlubuka Nkulunkulu, futsi ngingeke ngihambisane nayo.

Tihlabelelo 128:6

Shangatsi ungaphila uze ukhokhobe, uze ubone nebatukulu bakho. Kuthula akube na-Israyeli.

Tihlabelelo 40:4

Ubusisiwe umuntfu lobeke litsemba lakhe kuNkulunkulu, longagucukeli kulabatigabatisako, nakulabo labedukela etithicweni.

Tihlabelelo 92:10

Kodvwa luphondvo lwami uluphakamisile njengeluphondvo lwenkhabi lengumlalandle, ungigcobe ngemafutsa lamasha.

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Tihlabelelo 92:8

Kodvwa wena, Simakadze, uphakeme phakadze naphakadze.

Tihlabelelo 94:4

Kuyawuze kube ngunini lababi batidla bakhuluma kabi bahlambalata?

Taga 14:14

Umuntfu lojikajikako utfola loko lokufanelwe similo sakhe; nemuntfu lolungile naye wemukela umvuzo wemisebenti yakhe.

Taga 2:15

labatindlela tabo tigwegwile, nalabahamba ngetindlela tekweduka.

Taga 21:16

Nangabe umuntfu eduka etindleleni tekucondza, usheshe aye kulabafile.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 59:8

Indlela yekuthula abayati; kute umtsetfocotfo emikhondvweni yabo. Bayigucule bayenta tindlela letimatombetombe, kute namunye lohamba ngato loyawutfola kuthula.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Matewu 7:23

Kepha ngiyawubaphendvula ngitsi: ‘Angizange nginati. Sukani kimi, nine benti balokubi!’ ”

Lukha 11:25

Ngako-ke uyancandzeka ukhandze lendlu ishanyelwe, ikhanya, ihlobile, konkhe kubekwe ngabolonina.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

KubaseGalathiya 6:16

Kuthula nemusa akube kubo bonkhe labahamba ngalomyalo, ema-Israyeli aNkulunkulu.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

KumaHebheru 10:38

Kodvwa lolungile wami ngekukholwa uyawuphila; kodvwa nangabe ahlehla nyova, ngingeke ngimjabulele.”

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!