Tihlabelelo 125:1 - Siswati 1996 Bible

¹ Labo labetsembele kuSimakadze bafanana neNtsaba iSiyoni, lengeke itanyatanyiswe, kodvwa leyawuma kuze kube phakadze.

Tihlabelelo 125:1 Referencias Cruzadas

1 Tikhronike 5:20

Babeka litsemba labo kuNkulunkulu, bathandaza kuye, bacela lusito. Nkulunkulu wayiphendvula imithandazo yabo, wabenta basincoba sive sakaHagari kanye netive letatisitana naso.

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

Tihlabelelo 120:1

Nangisekuhluphekeni, ngiyakhala kuSimakadze, yena angiphendvule.

Tihlabelelo 121:1

Ngiphakamisela emehlo ami etintsabeni; lusito lwami luyawuchamuka kuphi?

Tihlabelelo 122:1

Ngajabula ngesikhatsi batsi kimi: “Asambe siye endlini yaSimakadze.”

Tihlabelelo 123:1

Ngiphakamisela emehlo ami ngakuwe, wena lohleti ebukhosini bakho ezulwini.

Tihlabelelo 124:1

“Kube Simakadze abengekho ngakitsi ngabe siseyini nje?” akasho njalo Israyeli.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 20:8

Labantfu bacimuleka bawe phansi, kepha tsine sima sitsi zica.

Tihlabelelo 25:2

Nkulunkulu wami, ngetsembele kuwe, ngisindzise ehlazweni lekwehlulwa. Titsa tami tingatijabulisi ngami.

Tihlabelelo 25:8

Simakadze muhle ulungile, ngako-ke ufundzisa toni indlela lekungiyo sibili.

Tihlabelelo 27:1

Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?

Tihlabelelo 34:22

Simakadze uyakuhlenga kuphila kwetinceku takhe, labakhosela kuye bangeke badliwe licala.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Tihlabelelo 62:2

Nguye yedvwa lolidvwala lami, nensindziso yami, nenqaba yami, ngingeke ngishukunyiswe.

Tihlabelelo 62:3

Kuyawuze kube ngunini nidvumela lendvodza nine nonkhe kuze niyibulale? Injengelubondza lolutjekele kuwa, nanjengelutsango loludzilikako.

Tihlabelelo 62:6

Nguye yedvwa lolidvwala lami, nensindziso yami, nenqaba yami, ngingeke ngitanyatanyiswe.

Tihlabelelo 62:7

Insindziso yami neludvumo lwami kusetandleni taNkulunkulu. Nkulunkulu usiphephelo sami nelidvwala lami lelicinile.

Taga 10:25

Nase kwendlule sihhushuhhushu, kubate losindzako kulababi; kodvwa lolungile uyawusima phakadze naphakadze.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 14:32

“Sitawuphendvula sitsini kuletitfunywa letiphuma kulesive? Sitawusho, sitsi: Simakadze sewuyakhile yatinta iSiyoni, ngulapho sive sakhe lebesihlushwa sitawuphephela khona.”

Isaya 26:3

Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.

Isaya 26:4

Yetsembelani kuSimakadze kuze kube phakadze, ngobe Simakadze nguSimakadze loLidvwala laphakadze.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 51:16

Ngibeke emavi ami emlonyeni wakho, ngakusibekela ngemtfunti wesandla sami; mine lengibeke emazulu endzaweni yawo, nalengabeka tisekelo temhlaba, ngikhuluma neSiyoni ngitsi: ‘Wena usive sami!’ ”

Isaya 51:8

Ngobe umvunya uyawubadla njengengubo, imphetfu iyawubamita njengensontfo. Kodvwa kulunga kwami kuyawukhonsa phakadze naphakadze, nensindziso yami iyakuma titukulwane ngetitukulwane.”

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Obadiya 1:21

Emachawe aseJerusalema ayawuyincoba iNtsaba iSiyoni alibuse lelive laka-Edomu. Lowo mbuso uyakwenganyelwa nguSimakadze.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Zakhariya 1:14

Lengilosi leyayikhuluma kimi, yatsi: “Memetela lelivi, utsi: Naku lokushiwo nguSimakadze longuSomandla, utsi: ‘Nginenshisekelo lenkhulu ngeJerusalema neSiyoni.

Zakhariya 1:17

“Chubeka umemetele utsi: Naku lokushiwo nguSimakadze Somandla, utsi: ‘Emadolobha ami ayawuphindze aphuphume ngemnotfo, Simakadze aphindze ayidvudvute iSiyoni, akhetse iJerusalema.’ ”

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

Sembulo 14:1

Ngatsi ngiyabuka ngabona liWundlu eNtsabeni yaseSiyoni lime nebantfu labati-144 000; babenelibito lalo, neleYise libhalwe emabuntini abo.