Tihlabelelo 121:3 - Siswati 1996 Bible

³ Angeke avume kutsi lunyawo lwakho lushelele, lowo longumlondvoloti wakho aketeli.

Tihlabelelo 121:3 Referencias Cruzadas

Tihlabelelo 127:1

Indlu nayingakhiwa nguNkulunkulu, basebentela lite labo labayakhako. Lidolobha nalingagadvwa nguNkulunkulu, basebentela lite labo labaligadzako.

Tihlabelelo 41:2

Simakadze uyawumlondvolotela imphilo yakhe; uyawumenta abe ngulonenhlanhla emhlabeni, angeke amnikele entsandvweni yetitsa takhe.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Tihlabelelo 66:9

Nguye logcina umphefumulo wetfu uphilile, akativumeli tinyawo tetfu kutsi tishelele.

Tihlabelelo 91:12

Tiyawukutsatsa tikwetfwale ngetandla, kuze lunyawo lwakho lungete lwakhutjwa etjeni.

Taga 2:8

Ugadza tindlela talabo labaphatsa labanye ngekungakhetsi, alindze indlela yalabangcwele bakhe.

Taga 3:23

Endleleni yakho uyakuhamba ngekuphepha, nelunyawo lwakho lungakhubeki.

Taga 3:26

ngobe Simakadze uyawuba siphephelo sakho; uyawulondvolota lunyawo lwakho lungabanjwa lugibe.

Isaya 27:3

Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.