Tihlabelelo 12:2 - Siswati 1996 Bible

² Bantfu bayayengana la emhlabeni, tilimi tabo tisheleliswa ngemanga, inkhulumo yabo imphacambili.

Tihlabelelo 12:2 Referencias Cruzadas

1 Tikhronike 12:33

emadvodza akaZebuloni, emasotja labebokadzebona labelungele kulwa nganome nganguluphi luhlobo lwesikhali, eta kutawusita Davide nekumlalela ngayo yonkhe inhlitiyo yawo, abeti-50 000;

Tihlabelelo 10:7

Emlonyeni wakhe kugcwele ticalekiso, nemacebo, nencindzetelo; ngaphansi kwelulwimi lwakhe kucambalale kuganga nebubi.

Tihlabelelo 116:11

Ngajabha, ngadzimate ngatsi: “Bonkhe bantfu banemanga!”

Tihlabelelo 144:11

Ngisindzise enkembeni lenelunya, ungiphephise esandleni sebafokati labamlomo wabo ukhuluma inkhohliso, nesandla sabo sekudla singesekudla semanga.

Tihlabelelo 144:8

labamlomo wabo ukhuluma inkhohliso, bafunga bagomele ngesandla sabo sangesekudla bafungele bufakazi lobungemanga.

Tihlabelelo 28:3

Ungangilahli kanye nalababi, ungangilahli kanye nalabenta lokubi, labakhuluma kuthula nabomakhelwane babo, kantsi etinhlitiyweni tabo bamumetse bubi.

Tihlabelelo 38:12

Bantfu labacondze kungibulala bangetsiye ngetingibe, labacondze kungilimata bakhuluma ngekungicitsa bangibulale, sonkhe sikhatsi bakha emacebo ebubi ngami.

Tihlabelelo 41:6

Nakukhona lotengihlola ufike atentise angitsatse ematfoko, kantsi enhlitiyweni yakhe ugaya tiboti ngami, utsi angesuka lapho ayifafate lonkhe live.

Tihlabelelo 5:9

Kute liciniso emlonyeni wato, etinhlitiyweni tato kunekubulala, umphimbo wato ulithuna lelivulekile, lulwimi lwato lunebucili.

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Tihlabelelo 59:12

Emavi abo asono semilomo yabo. Ababhajwe ekutigcabheni kwabo, ngobe bayacalekisa, bacale nemanga.

Tihlabelelo 62:4

Bafuna licebo lekumketula esikhundleni sakhe lesiphakeme, batsandza emanga. Ngemilomo yabo bayabusisa, kodvwa etinhlitiyweni tabo bayacalekisa. Cabanga.

Taga 20:19

Inhlebo ivumbulula timfihlo; ngako-ke mgweme umuntfu lokhulumela futsi.

Taga 20:6

Banyenti bantfu labatishoko kutsi banelutsandvo sibili; kodvwa ngubani longatfola lowetsembeke ngempela?

Taga 29:5

Umuntfu lolutsa makhelwane wakhe ambonge ngelite, utetsiya yena.

Jeremiya 7:28

Ngako-ke tsani kubo: ‘Lesi sive lesingamlalelanga Simakadze Nkulunkulu waso, futsi asiphendvukanga nasicondziswa. Liciniso seliphelile; linyamalele emilonyeni yabo.

Jeremiya 9:8

Lulwimi lwabo lungumcibisholo lobulalanako, lukhuluma emanga odvwana. Ngulowo nalowo uncempheta ngalo kumakhelwane wakhe, kantsi ngenhlitiyo umbekela lugibe.

Hezekeli 12:24

“ ‘Ngobe sekuyawubate imibono yemanga nekubhula lokutsandzekako emkhatsini wesive saka-Israyeli.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.

YaJakobe 1:8

ungumuntfu lonetinhlitiyo letimbili, uyagucugucuka etindleleni takhe tonkhe.