Tihlabelelo 119:97 - Siswati 1996 Bible

⁹⁷ Maye, ngiyawutsandza umtsetfo wakho! Ngizindla ngawo imini yonkhe.

Tihlabelelo 119:97 Referencias Cruzadas

Tihlabelelo 1:2

Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

Tihlabelelo 119:113

Ngiyabatondza bantfu labamphacambili, kodvwa umtsetfo wakho ngiyawutsandza.

Tihlabelelo 119:127

Imiyalo yakho ngiyitsandza kakhulu, kwendlula igolide, ngisho igolide lecengeke kakhulu.

Tihlabelelo 119:15

Ngiyawuzindla ngemiyalo yakho, emehlo ami ngingawesusi etindleleni takho.

Tihlabelelo 119:159

Nawe, Simakadze, uyatibonela kutsi timiso takho ngititsandza kanganani. Londvolota kuphila kwami ngemusa wakho.

Tihlabelelo 119:165

Bantfu labatsandza umtsetfo wakho banekuthula lokuphelele, kute lokuyawubakhuba endleleni.

Tihlabelelo 119:167

Ngigcina timfundziso takho, ngobe ngititsandza ngenhlitiyo yami yonkhe.

Tihlabelelo 119:47

Ngiyatfokota ngemiyalo yakho, ngobe ngiyayitsandza.

Tihlabelelo 119:48

Imiyalo yakho ngiyayihlonipha ngiyitsandze futsi; ngiyawuhlala ngizindla ngetimiso takho.

Taga 18:1

Umuntfu longakhoni kutihlanganisa nalabanye utatisa yena; uyatfukutsela nakayalwa.

Taga 2:10

Kuhlakanipha kutawungena enhlitiyweni yakho, nelwati lube yinjabulo emphefumulweni wakho.

Dutheronomi 17:19

Kufanele ihlale kuyo iyifundze onkhe emalanga ekuphila kwayo, khona itewufundza kwesaba Simakadze Nkulunkulu wayo, ibuye ilandzelisise ngekucophelela onkhe emavi alomtsetfo naletimiso,

Joshuwa 1:8

Emavi alencwadzi yemtsetfo angesuki emlonyeni wakho; uyawucabangisisa ujule kuwo busuku nemini, kuze ukhone kukwenta konkhe loku lokubhalwe kuwo; khona-ke uyawuphumelela kube kuhle kuwe.