Tihlabelelo 119:91 - Siswati 1996 Bible

⁹¹ Seloku kwema mhlazana kumiswa nguwe, ngobe konkhe kufanele kukhonte wena.

Tihlabelelo 119:91 Referencias Cruzadas

Genesisi 8:22

“Yingci nawusekhona umhlaba, kuhlanyela nekuvuna, kucandza nekushisa, lihlobo nebusika, imini nebusuku kungeke kuncamuke.”

Isaya 40:26

Phakamiselani emehlo enu ezulwini: Ngubani lowadala konkhe loku? Nguye lokhipha emabutfo etinkhanyeti ngayinye ngayinye, atibite tonkhe tinkhanyeti nguleyo naleyo ngelibito layo. Ngenca yemandla akhe lamakhulu nangebukhulu bemandla akhe, kute nome yinye lesilelako.

Isaya 48:13

Tandla tami tatibeka tisekelo temhlaba. Sandla sami sangesekudla sawendlala emazulu; nangikubita, kuyavela konkhe kanyekanye.

Jeremiya 33:25

Naku lokushiwo nguSimakadze, utsi: ‘Kube bengingakasimisi sivumelwane sami nelilanga, nebusuku, ngingakamisi nemitsetfo yelizulu nemhlaba,

Matewu 5:45

kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi.

Matewu 8:9

Nami nginetiphatsimandla letingetulu kwami, nginemasotja langaphansi kwami; ngitsi kulelinye: ‘Hamba,’ lihambe; ngitsi kulelinye: ‘Wota la,’ lite; nencekwini yami ngitsi: ‘Yenta loku,’ ikwente.”

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.

Tikhulu 5:20

Esibhakabhakeni tinkhanyeti talwa, yebo, tisagijima ngemivila yato, talwa naSisera.