Tihlabelelo 119:9 - Siswati 1996 Bible

⁹ Umuntfu lomusha angayigcina kanjani imphilo yakhe ihlantekile? Ngekucaphela kuhamba ngelivi lakho.

Tihlabelelo 119:9 Referencias Cruzadas

2 Tikhronike 6:16

“Manje-ke, Simakadze, Nkulunkulu wema-Israyeli, gcina setsembiso sakho lowasenta encekwini yakho Davide, babe wami, ngesikhatsi utsi: ‘Ungeke umeswele umuntfu loyawuhlala embikwami esihlalweni sebukhosi saka-Israyeli, kuphela nje nangabe emadvodzana akho akucaphelisisa konkhe lakwentako, ngekuhamba kwawo njengekwemitsetfo yami, njengobe wena wentile.’

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Jobe 13:26

Ungibeka emacala lamatima, ungetfwese emacala etono lengatenta ngisemusha.

Tihlabelelo 119:11

Livi lakho ngililondvolote enhlitiyweni yami, kuze ngingoni kuwe.

Tihlabelelo 17:4

Macondzana nemisebenti yebantfu mine ngitigadze ngekulalela livi lakho, ngaticwaya tindlela talabatidlova.

Tihlabelelo 25:7

Ungatikhumbuli tono tami, netiphambuko tebusha bami, kodvwa ngikhumbule ngekwemusa wakho, Simakadze, ngikhumbule ngekulunga kwakho.

Tihlabelelo 34:11

Wotani, bantfwabami, ningilalele, ngitanifundzisa kumesaba Simakadze.

Taga 1:10

Ndvodzana yami, nangabe toni tikuyenga, ungacali uvume,

Taga 1:4

Tenta losengakaliboni live abe nekuhlakanipha, tifundzise labasha kuba nelwati nekuzitsa.

Taga 2:11

Kucophelela kutakugadza, nekucondzisisa kutakwelusa,

Taga 4:1

Madvodzana ami, yilaleleni ngekucophelela imiyalo yeyihlo, khona nitawuba nekucondza.

Taga 7:7

Ngabona sicunjana setinsizwa letatingenako kuhlakanipha, emkhatsini wato ngabona lenye leyayingenalwati.

Umshumayeli 11:9

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Lukha 15:13

“Kwatsi ngemalangana indvodzana lencane yatsengisa lifa layo, yahamba nalemali yalibangisa eveni lelikhashane, lapho yayihlaphata khona imali ihleti ngekonakala.

Johane 15:3

Nine-ke senigezekile ngalelivi lesengilikhulume kini.

Dutheronomi 17:18

“Nase itsatsa sihlalo sebukhosi bayo, kufanele itibhalele yona encwadzini legocotwako, incwadzi yalomtsetfo lotsatfwe kulena yebaphristi labangemaLevi.

2 kuThimothi 2:22

Ngako-ke balekela tinkhanuko tebusha, kodvwa hambisana nalabo labakhuleka eNkhosini ngenhlitiyo lehlambululekile, ujonge kulunga, nekukholwa, nelutsandvo, nekuthula.

Joshuwa 1:7

Intfo nje, wena cina kakhulu, ube nesibindzi. Caphela, uyilalele yonkhe imitsetfo lowayinikwa nguMosi, inceku yami. Ungaphambuki kuyo, ngesekudla nome ngesancele, khona-ke uyakuphumelela nome ngukuphi lapho uya khona.