Tihlabelelo 119:82 - Siswati 1996 Bible

⁸² Sengigolotele sekuze kubuhlungu emehlo, solomane ngilindzele setsembiso sakho; solomane ngiyatibuta namanje, ngitsi: “Uyawungidvudvuta nini?”

Tihlabelelo 119:82 Referencias Cruzadas

Tihlabelelo 119:123

Emehlo ami asacundzekile, ngifunana nensindziso yakho, nekugcwaliseka kwesetsembiso sakho.

Tihlabelelo 69:3

Ngidvubuteke kabi ngenca yekukhala kwami, umphimbo wami womile, uyahoshota. Emehlo ami asacundzekile ngenca yekulindzela wena, Nkulunkulu wami.

Tihlabelelo 86:17

Ngente sibonakaliso sebuhle bakho, kuze labo labangitondzako basibone, badliwe ngemahloni, ngobe wena, Simakadze, uyangisita, ungidvudvute.

Taga 13:12

Nangabe kufezeka kwematsemba emuntfu kwephuta, inhlitiyo yakhe iyacindzeteleka; kodvwa kufezeka kwesifiso kuletsa emandla.

Isaya 38:11

Ngatsi mine: “Angisayiwuphindze ngimbone Simakadze, ngibone Simakadze eveni lalabaphilako. Angisayikuphindze ngibabuke bantfu, nome-ke ngiphindze ngihlale kanye nalabo labahleti kulomhlaba.

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Dutheronomi 28:32

Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.