Tihlabelelo 119:80 - Siswati 1996 Bible

⁸⁰ Shangatsi inhlitiyo yami ingagcina timiso takho, kuze ngingehlelwa ngemahloni, ngihlazeke.

Tihlabelelo 119:80 Referencias Cruzadas

2 Tikhronike 12:14

Rehobowamu wenta lokubi, ngobe inhlitiyo yakhe yayingakunaki kufunisisa Simakadze.

2 Tikhronike 15:17

Nome Asa angazange atisuse letindzawo letiphakeme tekukhontela tithico ka-Israyeli, noko inhlitiyo yakhe yayitinikele ngalokuphelele kuSimakadze ekuphileni kwakhe konkhe.

2 Tikhronike 25:2

Wenta lokuhle emehlweni aSimakadze, kodvwa, hhayi ngayo yonkhe inhlitiyo yakhe.

Tihlabelelo 119:6

Nangingayigcina yonkhe imiyalo yakho, ngingeke ngihlazeke.

Tihlabelelo 25:21

Shangatsi bumsulwa nebucotfo bungangigcina, ngobe litsemba lami likuwe.

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Taga 4:23

Ngetulu kwako konkhe londvolota inhlitiyo yakho ngekunakekela konkhe, ngobe kuyo kugeleta tiyalu tekuphila.

Hezekeli 11:9

Ngitanikhipha kulelidolobha, ngininiketele etandleni tebetive nginijezise.

Johane 1:47

Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

Dutheronomi 26:16

“Lamuhla Simakadze Nkulunkulu wenu uyaniyala kutsi nitigcine tonkhe letimiso nalemitsetfo. Kufanele niyicaphelisise ngayo yonkhe inhlitiyo yenu, nangawo wonkhe umphefumulo wenu.

1 yaJohane 2:28

Bantfwabami, hlalani kuye, khona kutawutsi nakachamuka sibe nesibindzi sibete emahloni sinyibe kuye ekufikeni kwakhe.