Tihlabelelo 119:53 - Siswati 1996 Bible

⁵³ Nangibona tikhohlakali tephula umtsetfo wakho ngemabomu, ngitfukutsela ngigcwale kokana.

Tihlabelelo 119:53 Referencias Cruzadas

Ezra 10:6

Ezra wesuka embikwendlu yaNkulunkulu, wahamba waya endlini yaJehohanani, umsa wa-Eliyashibi. Ngesikhatsi aselapho akazange adle kudla, akazange anatse ngisho nemanti, ngobe abechubeka nekulilela kungetsembeki kwalabatfunjwa.

Ezra 9:14

Sitawuphindze futsi siyephule yini lemiyalo yakho ngekwendziselana naletive letenta tintfo letinengekako? Ungeke yini usitfukutselele kusibhubhisa, kubete ngisho nensali nome losindzako?

Ezra 9:3

Ngatsi kube ngikuve loko, ngaklebhula ingubo nesembatfo sami, ngahhula tinwele tami nesilevu sami, ngahlala phansi ngijabhile.

Nehemiya 13:25

Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Nehemiya 5:6

Ngatfukutsela ngabila, nangiva letikhalo tabo.

Tihlabelelo 119:136

Emehlo ami ageleta tinyembeti, ngobe bantfu abawugcini umtsetfo wakho.

Tihlabelelo 119:158

Nangibuka tihlubuki, ngifikelwa kumangala, ngobe atiyigcini imiyalo yakho.

Tihlabelelo 89:30

“Nangabe bantfwabakhe bawulahla umtsetfo wami, bangahambi ngendlela yetincumo tami,

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Danyela 4:19

Ngako Danyela, labebitwa ngekutsi nguBhelteshasari, wadideka kakhulu kwesikhashana, imicabango yakhe yametfusa. Ngako inkhosi yakhuluma kuye, yatsi: “Bhelteshasari, ungavumi likwetfuse leliphupho kanye nenchazelo yalo.” Bhelteshasari waphendvula, watsi: “Nkhosi yami, kube mane leliphupho belicondzene netitsa takho nenchazelo yalo icondzene nalabo labemelene nawe!

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

2 kubaseKorinthe 12:21

Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.

KubaseFiliphi 3:18

Phela labanyenti lenganitjela kanyenti ngabo, nanyalo nginitjela ngetinyembeti ngabo ngitsi, sebahamba batitsa tesiphambano saKhristu.