Tihlabelelo 119:49 - Siswati 1996 Bible

⁴⁹ Khumbula setsembiso sakho lowasenta kimi, mine nceku yakho, ngobe ngiso lesinginike litsemba.

Tihlabelelo 119:49 Referencias Cruzadas

Genesisi 32:9

Jakobe wase uyathandaza watsi: “Nkulunkulu wababemkhulu Abrahama, naNkulunkulu wababe wami Isaka! Simakadze, wena wakhuluma kimi watsi: ‘Ncandzeka ubuyele eveni lakini, nasetihlotjeni takho, mine ngitakwentela lokuhle.’

Genesisi 8:1

Nkulunkulu wamkhumbula Nowa, netilwane tonkhe, kanye nato tonkhe tifuyo labenato emkhunjini. Nkulunkulu waletsa umoya waphuphutsa etikwemhlaba, emanti etja.

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

2 Samuweli 7:25

“Manje-ke, Simakadze Nkulunkulu, sale usigcina setsembiso sakho losentile macondzana nenceku yakho kanye nendlu yayo. Yenta njengobe wetsembisile,

Jobe 7:7

Khumbula, mane ukhumbule, Nkulunkulu, kutsi imphilo yami ayisilo lutfo, kodvwa ngumphefumulo nje, emehlo ami akasayiwuphindza akubone kujabula.

Tihlabelelo 105:2

Hlabelani kuye, nimdvumise, nibalise ngetimangaliso takhe tonkhe.

Tihlabelelo 105:42

Ngobe wakhumbula livi lakhe lelingcwele, lalikhuluma ku-Abrahama, inceku yakhe.

Tihlabelelo 106:4

Awu, Simakadze, ngikhumbule nawusentela umusa sive sakho, nami ungisindzise kanye naso,

Tihlabelelo 106:45

Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.

Tihlabelelo 119:147

Ngivuka lokwa kuseluvivi, ngicele lusito, litsemba lami libambelele evini lakho.

Tihlabelelo 119:43

Ngiphe emandla ekukhuluma liciniso, ngobe litsemba lami ngilibeke etimisweni takho.

Tihlabelelo 119:74

Labesaba wena bayawutsi nabangibona bajabule, ngobe mine ngetsemba livi lakho.

Tihlabelelo 119:81

Umphefumulo wami ulambele insindziso yakho, litsemba lami ngilibeke evini lakho.

Tihlabelelo 71:14

Kepha mine ngiyawukwetsembela kuwe njalonjalo, ngengete kukudvumisa ekukudvumiseni kwami.

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.