Tihlabelelo 118:6 - Siswati 1996 Bible

⁶ Simakadze ungakimi angesabi lutfo. Umuntfu angangentani nje?

Tihlabelelo 118:6 Referencias Cruzadas

Tihlabelelo 112:8

Unesibindzi, angeke esabe, aze abone kujabhiswa kwetitsa takhe.

Tihlabelelo 146:5

Ubusisiwe umuntfu lomsiti wakhe kunguNkulunkulu waJakobe, lolitsemba lakhe likuSimakadze, Nkulunkulu wakhe.

Tihlabelelo 23:4

Nome ngihamba esigodzini lesinelitfunti lekufa, angesabi lutfo lolubi, ngobe wena unami; intfonga yakho neludvondvolo lwakho kuyangivikela.

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 56:10

Ngidvumisa livi laNkulunkulu, ngidvumise livi laSimakadze.

Tihlabelelo 56:11

Ngetsembele kuNkulunkulu, angesabi lutfo. Pho, umuntfu angangentani nje?

Tihlabelelo 56:12

Hhawu, Nkulunkulu, ngibopheleke kuwe ngetetsembiso tami. Ngiyawunikela kuwe iminikelo yekubonga.

Tihlabelelo 56:4

Ngiyawudvumisa livi laNkulunkulu ngekusitwa nguNkulunkulu, ngetsembele kuNkulunkulu angesabi lutfo. Pho, umuntfu angangentani nje?

Tihlabelelo 56:5

Bahlanekela inkhulumo yami onkhe emalanga, bakha onkhe emacebo lamabi ngami.

Tihlabelelo 56:9

Ngako titsa tami tiyawuncandzeka ngalelo langa lengiyawukhala ngalo kuwe, ngati kahle kamhlophe kutsi Nkulunkulu ungakimi.

Tihlabelelo 94:16

Ngubani longangisita kulababi? Ngubani longangiphendvula kulabaphambene nami?

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Jeremiya 20:11

Kodvwa Simakadze ume ngakimi njengelichawe lemphi lelinemandla; ngako-ke bahluphi bami bayawukhubatela, ngeke baphumelele. Batakwehluleka batseleke ngalelikhulu lihlazo, badliwe ngemahloni langayiwuphindze akhohlakale.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

KumaHebheru 13:6

Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

1 Samuweli 17:11

Watsi kube Sawula nema-Israyeli onkhe eve lenkhulumo yalomFilisti, bajabha bonkhe batfutfumela.

1 Samuweli 17:37

LoSimakadze lowangephula esidladleni selibhubesi nasesidladleni selibhele utangikhulula nasesandleni salomFilisti.” Sawula wakhuluma kuDavide, watsi: “Hamba, shangatsi Simakadze angaba nawe.”