Tihlabelelo 118:24 - Siswati 1996 Bible

²⁴ Leli lilanga lelentiwe nguSimakadze, asijabule setsabe kulo.

Tihlabelelo 118:24 Referencias Cruzadas

1 Emakhosi 8:66

Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

Nehemiya 8:10

Nehemiya wakhuluma esiveni, watsi: “Hambani niye emakhaya enu niyekudla kudla kwelikhetselo netinatfo letimnandzi, niphe nalabo labangenalutfo. Leli lilanga lelingcwele kuSimakadze wetfu. Ningakhatsateki, ngobe injabulo yenu levela kuSimakadze ingemandla enu.”

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Isaya 58:13

“Nawugcina tinyawo takho tingalephuli liSabatha, ungakwenti loko lokutsandvwa nguwe ngelilanga lami lelingcwele, nawubita liSabatha ngekutsi lilanga lenjabulo nelilanga lelingcwele laSimakadze lelihloniphekile, futsi nawulihlonipha ngekungahambi ngendlela yakho, ungenti njengekutsandza kwakho, ungakhulumi emavi lalite,

Zakhariya 3:9

Buka, litje lengilimise embikwaJeshuwa. Kunemehlo lasikhombisa kulelitje linye, mine ngitawucopha umbhalo kulo, nesono salelive ngiyawusisusa ngalanga linye,’ kusho Simakadze longuSomandla.

Imisebenti yebaPhostoli 20:7

Kwatsi ngeMgcibelo kusihlwa sahlangana ndzawonye enkonzweni yeSidlo. Pawula wakhuluma kubantfu kwaze kwabasekhatsi nebusuku, ngobe abetawuhamba ngakusasa.

Sembulo 1:10

Ngelilanga leNkhosi ngangikuMoya, ngase ngiva emvakwami livi lelikhulu, shangatsi lelicilongo,