Tihlabelelo 116:9 - Siswati 1996 Bible

⁹ Ngiko nje ngihamba ebukhoneni baSimakadze kulelive lalabaphilako.

Tihlabelelo 116:9 Referencias Cruzadas

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

1 Emakhosi 8:25

“Manje-ke, Simakadze, Nkulunkulu wema-Israyeli, gcina setsembiso sakho lowasenta encekwini yakho Davide, babe wami, ngesikhatsi utsi: ‘Ungeke umeswele umuntfu lotawuhlala embikwami esihlalweni sebukhosi saka-Israyeli, kuphela nje nangabe emadvodzana akho akucaphelisisa konkhe lakwentako, ngekuhamba kwawo embikwami, njengobe wena wentile.’

1 Emakhosi 9:4

“Wena-ke nangabe ungahamba ngebucotfo benhlitiyo nangekucondza embikwami, ulingise uyihlo Davide, wente konkhe lengikuyala ngako, ugcine timiso nemitsetfo yami,

Tihlabelelo 27:13

Impela ngiyakholwa nguloku: Buhle baSimakadze ngiyawububona ngisaphila kulomhlaba!

Tihlabelelo 61:7

Ebukhoneni bakho, Nkulunkulu, inkhosi ayihlale esihlalweni sebukhosi, ibuse kuze kube phakadze; uyilondvolote ngemusa wakho nangekwetsembeka kwakho.

Isaya 53:8

Yaboshwa, yalahlwa ngelicala, yesuswa. Ngubani nje wesitukulwane sayo labenaka kutsi yancunywa eveni lalabaphilako, yashaywa ngenca yesono sebantfu bami?

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 1:75

sibe ngcwele, silunge kuye ngawo onkhe emalanga ekuphila kwetfu.