Tihlabelelo 115:4 - Siswati 1996 Bible

⁴ Kodvwa tithico tebetive tentiwa ngesiliva nangegolide, tingumsebenti wetandla temuntfu.

Tihlabelelo 115:4 Referencias Cruzadas

1 Emakhosi 18:26

Ngako batsatsa lenkunzi lababenikwe yona, bayilungisa. Base babita libito laBhali kusukela ekuseni kwaze kwaba ngusemini. Bamemeta batsi: “Hhawu, Bhali, siphendvule!” Kodvwa kwabate imphendvulo; kute lowaphendvula. Bagidza batungeleta lelilati lababelakhile.

1 Emakhosi 18:29

Yendlula imini, bachubeka nemadlingozi abo ekuphrofetha, kwaze kwashaya sikhatsi semhlatjelo wakusihlwa. Kodvwa kwabate imphendvulo, kute lowaphendvula, kute nalowanaka.

2 Emakhosi 19:18

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutigodvo nje nematje labatwe tandla tebantfu.

2 Tikhronike 32:19

Bakhuluma kabi ngaNkulunkulu waseJerusalema, balingisa ngesikhatsi bakhuluma ngalabonkulunkulu baletinye tive temhlaba, labangumsebenti wetandla temuntfu.

Tihlabelelo 97:7

Bayahlazeka badliwe ngemahloni bonkhe labakhonta tithico, bachoshe ngetithico letingenamsebenti. Bonkhe bonkulunkulu bakhotsama kuSimakadze.

Isaya 37:19

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutingodvo nje nematje labatwe tandla tebantfu.

Isaya 42:17

Kodvwa labo labetsembele etithicweni, labakhuluma etitfombeni batsi: ‘Nine nibonkulunkulu betfu,’ bayawuncandzekiswa bajabhile bahlazeke kakhulu.”

Isaya 44:10

Ngubani lobumba sithico, asente asilolonge kahle, lesingeke simbuyisele lutfo?

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Danyela 3:5

Kutawutsi kungevakala kukhala kwempalampala, nekwemntjingozi, nekwezitha, nekwelire, nekwehabhu, nekwetimveve, nekwato tonkhe tinhlobo tekuhlabela, kufanele niwe phansi nikhotsame kulesithico segolide lesimiswe yinkhosi Nebukhadnezari.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Hoseya 8:6

Lesithico siphuma ka-Israyeli! Lelitfole lentiwe ngumuntfu loyingcweti kutekubata, alisiye Nkulunkulu. Litakwephulwa libe ticucu, lelo tfole laseSamariya.

Imisebenti yebaPhostoli 19:26

Niyatibonela, futsi niyativela konkhe lokwentiwa ngulendvodza lenguPawula. Utsi bonkulunkulu labakhiwe ngetandla abasibo bonkulunkulu sibili, sewugucule bantfu labanyenti, hhayi kuleli lase-Efesu kuphela kodvwa cishe kulo lonkhe lase-Asiya.

Imisebenti yebaPhostoli 19:35

Ekugcineni mabhalane welidolobha waze wabathulisa, watsi: “Madvodza ase-Efesu, nonkhe niyati kutsi lelidolobha lase-Efesu ngulapho kuhlala khona lithempeli laDiyana lomkhulu kanye nelitje lelingcwele lelehla ezulwini.

Dutheronomi 4:28

Kuleto tive niyawukhonta tithico letentiwe bantfu ngetingodvo nangematje, letingaboni naletingeva, naletingadli, naletingakwati kunuka.