Tihlabelelo 113:9 - Siswati 1996 Bible

⁹ Inyumba uyipha umuti wayo, ayente ijabule ibe ngunina webantfwana. Haleluya, dvumisani Simakadze!

Tihlabelelo 113:9 Referencias Cruzadas

Genesisi 25:21

Isaka wathandazela umkakhe kuSimakadze, ngobe abeyinyumba. Simakadze wawuphendvula umthandazo wakhe; Rebheka, umka-Isaka, wakhulelwa.

2 Emakhosi 4:17

Kodvwa lomfati wakhulelwa, kwatsi ngemnyaka lolandzelako wabeleka indvodzana, cishe ngasona leso sikhatsi lesasibekwe ngu-Elisha; kwaya njengobe Elisha abeshito.

Tihlabelelo 68:6

Nkulunkulu upha imihambima emakhaya lapho ingahlala khona, lababoshiwe abaholele ekubuseni, kodvwa labaphika inkhani ubahlalisa ehlane.

Isaya 54:1

“Hlabela, wena mfati loyinyumba, wena longazange sewumtale umntfwana; hlokoma uhlabele, memeta ngekujabula, wena longazange sewuhelwe, ngobe banyenti bantfwana bemfati lolahliwe kunebemfati lonendvodza,” kusho Simakadze.

Numeri 5:28

Kodvwa nangabe lomfati angakatingcolisi angenacala, angeke alimale, kantsi futsi utawuchubeka atale bantfwana.

KubaseGalathiya 4:27

Ngobe kubhaliwe kutsi: “Jabula, wena mfati loyinyumba, longatalanga mntfwana, jabula, nome ungahelwanga; ngobe lomfati losaliwakati unebantfwana labanyenti kunemfati loyintsandvokati.”

1 Samuweli 2:5

Labo lababesutsa sebaticashisela kudla, kodvwa labo labebalambile abasalambi. Lowo labeyinyumba sewutele bantfwana labasikhombisa, kodvwa lowo labenebantfwana labanyenti sewuyandzindza.