Tihlabelelo 111:1 - Siswati 1996 Bible

¹ Haleluya, dvumisani Simakadze! Ngiyawubonga Simakadze ngenhlitiyo yami yonkhe, ngimbonge emihlanganweni yalabacotfo, neyalabangcwele.

Tihlabelelo 111:1 Referencias Cruzadas

Tihlabelelo 103:1

Mphefumulo wami, dvumisa Simakadze, nako konkhe lokukimi akudvumise libito lakhe lelingcwele!

Tihlabelelo 106:1

Haleluya, dvumisani Simakadze! Bongani Simakadze ngobe muhle, nemusa wakhe ume kuze kube phakadze.

Tihlabelelo 106:48

Akabongwe Simakadze, Nkulunkulu wema-Israyeli, kusukela phakadze kuze kube phakadze! Sive sonkhe asitsi: “Amen!” Haleluya! Dvumisani Simakadze!

Tihlabelelo 107:32

Abamphakamise emkhambatsini wesive, bamdvumise emhlanganweni webaholi.

Tihlabelelo 108:3

Simakadze, ngiyawukubonga emkhatsini webantfu, ngihlabele ngekukudvumisa emkhatsini wetive.

Tihlabelelo 109:30

Ngiyawumemeta ngibonge Simakadze, ngimdvumise esicunjini lesikhulu;

Tihlabelelo 138:1

Ngiyakubonga, wena Simakadze, ngayo yonkhe inhlitiyo yami; ngikunika ludvumo embikwabo bonkhe bonkulunkulu.

Tihlabelelo 149:1

Simakadze mhlabeleleni ingoma lensha, nimdvumise ebandleni lalabangcwele.

Tihlabelelo 22:23

“Nine lenesaba Simakadze, mdvumiseni! Nani nonkhe madvodzana aJakobe, mtuseni! Nonkhe nine ntalo ya-Israyeli, mhlonipheni!

Tihlabelelo 22:25

Ungivusela lusinga lwekudvumisa emkhatsini welibandla lelikhulu. Tifungo tami ngiyawutifeza tigcwaliseke embikwabo bonkhe labakwesabako.

Tihlabelelo 35:18

Ngiyawubonga ebandleni lelikhulu ngikudvumise nasemkhambatsini lomkhulu webantfu.

Tihlabelelo 89:5

Yebo, Simakadze! Shangatsi emazulu angadvumisa timanga takho nekwetsembeka kwakho enhlanganweni yalabangcwele!

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Tihlabelelo 9:1

Simakadze, ngiyawukubonga ngenhlitiyo yami yonkhe, ngilandze ngayo yonkhe imisebenti yakho lemangalisako.