Tihlabelelo 110:3 - Siswati 1996 Bible

³ Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 110:3 Referencias Cruzadas

1 Tikhronike 16:29

Nikani Simakadze ludvumo lolufanele libito lakhe, ngenani embikwakhe, niletse kuye umnikelo. Khotsamani nikhuleke kuSimakadze, lowembetse bungcwele bakhe.

Nehemiya 11:2

Bantfu bawadvumisa onkhe emadvodza latinikela kutsi ayewuhlala eJerusalema.

Tihlabelelo 29:2

Libito laSimakadze linikeni bukhosi lobulifanele. Khontani Simakadze ngetembatfo tebungcwele.

Tihlabelelo 96:9

Khotsamani nikhuleke kuSimakadze, nembatse bungcwele, nitfutfumele embikwakhe, mhlaba wonkhe.

Hezekeli 43:12

“Lona ngumtsetfo welithempeli: Yonkhe lendzawo lelitungeletile esicongweni sentsaba iyakuba ngcwelengcwele. Unjalo-ke umtsetfo welithempeli.”

Mikha 5:6

Bayakuyehlula bayincobe i-Asiriya, lekulive laNimrodi; yebo, bayakuyibusa ngemkhonto. Ngalendlela siyakuphephiswa kuma-Asiriya, nakahlasela live letfu.

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 19:20

Ngalendlela livi leNkhosi lachubeka landza laba nemandla.

Imisebenti yebaPhostoli 2:33

Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

Imisebenti yebaPhostoli 21:20

Batsi kube bamuve bonkhe, badvumisa Nkulunkulu. Base batsi kuPawula: “Uyabona-ke, mzalwane, kukhona tinkhulungwane temaJuda letikholwako, bonkhe babambelele kakhulu emtsetfweni.

Imisebenti yebaPhostoli 4:4

Kodvwa labanyenti labaliva livi bakholwa; emadvodza andza acishe aba ti-5 000.

2 kubaseKorinthe 13:4

Ngobe wabetselwa ebutsakatsakeni, kodvwa sewuphila ngemandla aNkulunkulu. Sibutsakatsaka kuye, kodvwa sitawuphila kanye naye ngemandla aNkulunkulu, kuze sikwati kunisita.

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

2 kubaseKorinthe 8:16

Kodvwa akabongwe Nkulunkulu lobeke enhlitiyweni yaThithusi lenshisekelo lenjengeyetfu yekunisita.

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,

KubaseFiliphi 2:13

ngobe nguNkulunkulu losebenta kini kutsandza nekwenta ngekwentsandvo yakhe lenhle.

1 kubaseThesalonika 4:7

Nkulunkulu akasibitelanga ebugwadleni nasebuphingini, kepha wasibitela ebungcweleni.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.

Tikhulu 5:2

“Baholi baka-Israyeli bahamba embili, bantfu batinikela bona ngenhlitiyo lemhlophe. Dvumisani Simakadze!

Tikhulu 5:9

Inhlitiyo yami ikubaholi baka-Israyeli, yebo, ikulabo labatinikele emkhatsini wesive. Dvumisani Simakadze!