Tihlabelelo 109:16 - Siswati 1996 Bible

¹⁶ “Ngobe lomuntfu akazange akhumbule kwenta umusa, kodvwa labamphofu, nalabandzindzako, nalabanetinhlitiyo letidzabukile wabahlupha kwaze kwabasekufeni kwabo.

Tihlabelelo 109:16 Referencias Cruzadas

Genesisi 42:21

Bakhuluma bodvwana batsi: “Ase nibheke-ke manje sesiyavuna ngalobubi lesabenta kumnaketfu Josefa. Satsi sesikubona kukhatsateka kwemphefumulo wakhe, nasincenga, satsalalisa sangete samlalela. Ngiko nje sesikulenhlupheko manje.”

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 10:2

Ngekuchosha kwalomubi, lomphofu uyahlupheka. Lomubi akabanjwe elugibeni lalwetsiyile.

Tihlabelelo 34:18

Simakadze uhlala asedvute nabo labanetinhlitiyo letephukile uyabasindzisa labanemoya lowephukile.

Tihlabelelo 37:14

Lababi bahosha inkemba, bantsale imicibisholo ebutjokini, bafuna kucedza labamphofu nalabeswele babulale labo labahamba ngebucotfo.

Tihlabelelo 37:32

Lomubi utingela lolungile, ucondze kutsi ambulale.

Matewu 5:7

Babusisiwe labanesihawu, ngobe bayawuhawukelwa.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.