Tihlabelelo 107:41 - Siswati 1996 Bible

⁴¹ Kodvwa waphakamisa labamphofu wabakhipha elusizini, wenta imindeni yaba njengemihlambi yetimvu.

Tihlabelelo 107:41 Referencias Cruzadas

Genesisi 48:11

Israyeli wakhuluma kuJosefa watsi: “Ngangingasacabangi kutsi ngiyawuphindze ngibubone buso bakho, kodvwa Nkulunkulu sewungivumele kutsi ngikubone, ngaze ngabona ngisho nebantfwabakho futsi.”

Jobe 21:11

Bakhipha bantfwana babo njengemhlambi. Bantfwana babo bayajabula bagidze.

Jobe 36:15

Kodvwa labo labahluphekako uyabakhulula ekuhluphekeni kwabo, ukhuluma kubo basetinhlungwini tabo.

Jobe 42:16

Emvakwaloko, Jobe waphila iminyaka leli-140; waze wabona bantfwabakhe, nebantfwana bebantfwabakhe, kwaze kwayawufika esitukulwaneni sesine.

Jobe 5:11

Uphakamisa labaphansi abayise etulu, labalilako baphakanyiselwe endzaweni lephephile.

Jobe 8:7

Konkhe loku lokukulahlekele bekuyawuba lite kakhulu, nase kucatsaniswa naloku bewungakunikwa nguNkulunkulu kamuva.

Tihlabelelo 128:6

Shangatsi ungaphila uze ukhokhobe, uze ubone nebatukulu bakho. Kuthula akube na-Israyeli.

Tihlabelelo 78:52

Kepha wakhipha sive sakhe njengetimvu, wasihola ehlane njengemhlambi wakhe.

Taga 17:6

Kubantfu labadzala kungumchele lomuhle kuba nebatukulu; nasetinsizweni kunjalo, boyise baludvumo lwato.

Jeremiya 31:27

Simakadze utsi: “Emalanga ayeta, lapho ngiyawuhlanyela khona indlu yaka-Israyeli nendlu yakaJuda ngentalelwane yebantfu neyetilwane.

YaJakobe 5:11

Khumbulani phela kutsi ngulabo labaciniselako lesitsi babusisiwe. Nake neva ngekukhutsatela kwaJobe, niyati-ke nekutsi iNkhosi yaletsa siphetfo sini kuye; ngobe iNkhosi inebubele nesihawu lesikhulu.

1 Samuweli 2:21

Simakadze wentela Hana umusa, wakhulelwa, watala bantfwana: emadvodzana lamatsatfu nemadvodzakati lamabili. Umfana longuSamuweli abesolomane achubeka akhula embikwaSimakadze.

1 Samuweli 2:8

Uphakamisa labampofu elutfulini, akhuphule labeswele etindvundvumeni temlotsa, atebahlalisa nalabahloniphekile, abente badle lifa lesihlalo sebukhosi. Ngobe tinsika temhlaba taSimakadze, umhlaba uwakhele etikwato.