Tihlabelelo 106:23 - Siswati 1996 Bible

²³ Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Tihlabelelo 106:23 Referencias Cruzadas

Jobe 35:8

Bubi bakho buhlupha umuntfu lonjengawe, nekulunga kwakho kutsintsana nebantfu bemhlaba.

Tihlabelelo 105:26

Watfumela Mosi, inceku yakhe, wahamba na-Aroni labekhetfwe nguSimakadze.

Tihlabelelo 105:6

nine situkulwane sa-Abrahama, inceku yakhe, nine madvodzana aJakobe, labakhetsiwe bakhe.

Eksodusi 32:32

Kodvwa ngiyakucela umane ubatsetselele; nangabe awubatsetseleli, kuncono nami wesule libito lami encwadzini yakho loyibhalile.”

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Hezekeli 13:5

Anikenyukeli etulu etikhaleni letiselubondzeni lwendlu yaka-Israyeli, kutsi nitivale khona lutakuma lucine lulungele imphi ngelilanga laSimakadze.

Hezekeli 20:8

“ ‘Kodvwa bangivukela, bangete bangilalela; abazange batilahle letitfombe tabo letenyanyekako lebese babeke emehlo abo kuto, futsi abazange batilahle tithico taseGibhithe. Ngako ngatsi ngitawutfululela lulaka lwami etikwabo, ngicedzele kutfukutsela kwami etikwabo eGibhithe.

Hezekeli 22:30

“Ngafuna umuntfu emkhatsini wabo labengakha lubondza eme embikwami esikhaleni, emele lelive, kuze ngingetikulibhubhisa, kodvwa angitfolanga namunye.

Numeri 16:5

Watsi kuKhora nalesicumbi labesihola: “Ekuseni kusasa Simakadze utasikhombisa kutsi ngubani longewakhe nekutsi ngumuphi longcwele, utamsondzeta edvute naye. Lowo muntfu latikhetsele yena uyawumenta abesedvute naye.

Matewu 12:18

“Nansi inceku yami lengiyikhetsile, lotsandzekako wami, lotfokota ngaye umphefumulo wami. Ngiyawubeka Moya wami etikwakhe, amemetele kwehlulela kubetive.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:19

Kube benibelive, live belitanitsandza. Kodvwa anisibo belive, ngobe nganikhetsa eveni. Ngako-ke live liyanitondza.

Dutheronomi 10:10

“Ngahlala entsabeni emalanga langema-40 nebusuku bawo, njengobe ngangente njalo kwekucala; Simakadze waphindza wangilalela futsi nangaleso sikhatsi. Bekungesiyo intsandvo yakhe kutsi anibhubhise.

Dutheronomi 9:19

Ngesaba intfukutselo nelulaka lwaSimakadze, ngobe watfukutsela waze wafuna kunibhubhisa anicedze nonkhe. Kodvwa Simakadze waphindza wangilalela.

Dutheronomi 9:25

“Ngawa phansi ngakhotsamisa buso bami embikwaSimakadze kuwo onkhe lamalanga langema-40 nebusuku lobungema-40, ngobe Simakadze abetsite utanibhubhisa.

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.