Tihlabelelo 105:16 - Siswati 1996 Bible

¹⁶ Watfumela indlala kulelo live, kwaphela kudla, kati walala etiko.

Tihlabelelo 105:16 Referencias Cruzadas

Genesisi 41:54

kwacala iminyaka yendlala, njengobe abeshito Josefa. Kwaba nendlala emaveni onkhe, kodvwa kulo lonkhe laseGibhithe kwakusekhona kudla.

Genesisi 47:13

Kudla kwaphela yonkhe indzawo; ngobe indlala yase ibhoke kakhulu eveni laseGibhithe nelaseKhenani, ngako-ke bantfu balamba.

Genesisi 47:19

Utasiyekela nje sibulawe yindlala embikwakho tsine nelive letfu? Sitsengisele kudla ngatsi nangemasimi etfu. Tsine nelive letfu sitawuba tigcili taFaro. Siphe kudla kuze siphunge indlala, singafi; usiphe nenhlanyelo sitewuhlanyela emasimini etfu.”

2 Emakhosi 8:1

Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”

Tihlabelelo 104:15

neliwayini lelijabulisa tinhlitiyo tabo, nemafutsa ekugcobisa buso bakhe buze bucwebetele, nekudla lokuyinsika yemphilo yemuntfu.

Isaya 3:1

Buka-ke nyalo, iNkhosi Simakadze lenguSomandla seyitawususa eJerusalema nakaJuda lokungenako nako konkhe lokubasekelako: konkhe kudla lokungenako nawo onkhe emanti langenako,

Hezekeli 4:16

Wachubeka watsi kimi: “Ndvodzana yemuntfu, ngitawunciphisa kutfolakala kwekudla lapha eJerusalema. Bantfu bayawudla kudla kwekwemukeliswa bancenekile, banatse nemanti ekwemukeliswa bakhatsatekile,

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Hagayi 2:17

Ngashaya yonkhe imisebenti yetandla tenu ngesikhutsa, nangekuhanguka, nangesangcotfo, noko nine anizange nigucukele kimi,’ kusho Simakadze.

Imisebenti yebaPhostoli 7:11

Kwase kuba khona indlala kulo lonkhe laseGibhithe naseKhenani, leyaletsa kuhlupheka lokukhulu. Nabokhokho kwabaphelela kudla.

Sembulo 6:8

Kwatsi chamu lihhashi lelimphofu, libito lemgibeli walo bekunguKufa, iHayidesi yamlandzela. Banikwa emandla etikwencenye yesine kukwemhlaba, kutsi bayibulale ngenkemba, nangendlala, nangesifo lesingelapheki, nangetilwane tesiganga.