Tihlabelelo 104:30 - Siswati 1996 Bible

³⁰ Nawutfumela Moya wakho, tiyadaleka, uhlumise kabusha imvelo yemhlaba.

Tihlabelelo 104:30 Referencias Cruzadas

Jobe 12:10

Kuphila kwato tonkhe tidalwa kusesandleni sakhe, kanjalo nemiphefumulo yabo bonkhe bantfu bemhlaba.

Jobe 26:13

Ngekuphefumula kwakhe emazulu akhanya, angabi nalutfo; sandla sakhe sayigwaza inyoka lentjuzako.

Jobe 33:4

Moya waNkulunkulu ungentile. Umphefumulo waSomandla unginika kuphila.

Tihlabelelo 33:6

Emazulu entiwa ngelivi laSimakadze, nako konkhe lokukuwo kwentiwa ngemoya wemlomo wakhe.

Isaya 65:17

“Buka la, ngiyawudala emazulu lamasha nemhlaba lomusha. Tintfo takadzeni tingeke tikhunjulwe, futsi tingeke tisabuya nasengcondvweni.

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Hezekeli 37:5

Naku lokushiwo yiNkhosi Simakadze kulamatsambo, itsi: Ngitakwenta umphefumulo ungene kini, nitabe seniyaphila.

Hezekeli 37:6

Ngitawuhlumisa imisipha kini, ngente inyama imile kini, nginembese ngesikhumba, ngitawufaka umphefumulo kini, nitawube seniyaphila. Ngulapho-ke niyawukwati khona kutsi mine nginguSimakadze.’ ”

Hezekeli 37:9

Wakhuluma kimi, watsi: “Phrofetha emphefumulweni, phrofetha, ndvodzana yemuntfu, ukhulume kuwo, utsi: ‘Naku lokushiwo yiNkhosi Simakadze, itsi: Wena mphefumulo, chamuka emimoyeni yomine, uphefumulele kulaba lababulewe, khona batewuphila.’ ”

Kubase-Efesu 2:1

Univusile nani lebenifile ngenca yetiphambuko netono tenu,

kuThithusi 3:5

wasisindzisa, hhayi ngobe besente imisebenti yekulunga, kodvwa ngesihawu sakhe. Wasisindzisa, wasigeza ngekusitala kabusha nangekusenta busha ngaMoya Longcwele,

Sembulo 21:5

Lona bekahleti esihlalweni sebukhosi watsi: “Konkhe sengikwenta kube kusha.” Wachubeka watsi: “Kubhale loku lengikukhulumako, ngobe kungemavi letsembekile nalacinisile.”