Tihlabelelo 104:15 - Siswati 1996 Bible

¹⁵ neliwayini lelijabulisa tinhlitiyo tabo, nemafutsa ekugcobisa buso bakhe buze bucwebetele, nekudla lokuyinsika yemphilo yemuntfu.

Tihlabelelo 104:15 Referencias Cruzadas

Genesisi 18:5

Ngitawulandza lucetwana lwesinkhwa, khona nitewudla kucala ningakahambi, njengobe naku senifike ekhaya lenceku yenu.” Ngako-ke batsi kuye: “Kulungile, yenta njengobe sewushito.”

2 Samuweli 13:28

Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”

Tihlabelelo 105:16

Watfumela indlala kulelo live, kwaphela kudla, kati walala etiko.

Tihlabelelo 23:5

Ungigcebela litafula embikwami netitsa tami tibuka. Ugcobisa inhloko yami ngemafutsa, indzebe yami iyaphuphuma.

Tihlabelelo 92:10

Kodvwa luphondvo lwami uluphakamisile njengeluphondvo lwenkhabi lengumlalandle, ungigcobe ngemafutsa lamasha.

Taga 31:6

Tjwala bebantfu labafako kanye nalabo labaselusizini.

Taga 31:7

Bayekele banatse batewudzakwa bakhohlwe tinhlupheko tabo, bangalukhumbuli lusizi lwabo.

Umshumayeli 10:19

Lidzili lentelwa injabulo, neliwayini lenta kutsi kutsakaswe; kodvwa imali iyimphendvulo yako konkhe.

Umshumayeli 8:1

Ngubani umuntfu lonjengalohlakaniphile? Ngubani lowati inchazelo yetintfo? Inhlakanipho ikhanyisa buso bemuntfu igucule kunyukubala kwebuso bakhe.

Umshumayeli 9:7

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Isaya 3:1

Buka-ke nyalo, iNkhosi Simakadze lenguSomandla seyitawususa eJerusalema nakaJuda lokungenako nako konkhe lokubasekelako: konkhe kudla lokungenako nawo onkhe emanti langenako,

Isaya 55:10

Njengobe imvula nesitfwatfwa kwehla kuchamuka ezulwini, kungaphindzi kubuyele kulo kungakawuniseli umhlaba, kuwente uhlume uphindze utsele titselo, khona kutewutsela inhlanyelo yemhlanyeli nesinkhwa salowo lodlako,

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Hezekeli 14:13

“Ndvodzana yemuntfu, nangabe live lona kimi ngekungetsembeki, bese ngelula sandla sami ngimelane nalo ngekuncamula umtfombo wekudla kwalo, ngitfumele indlala kulo, ngibulale bantfu labakulo kanye netilwane,

Hezekeli 4:16

Wachubeka watsi kimi: “Ndvodzana yemuntfu, ngitawunciphisa kutfolakala kwekudla lapha eJerusalema. Bantfu bayawudla kudla kwekwemukeliswa bancenekile, banatse nemanti ekwemukeliswa bakhatsatekile,

Hezekeli 5:16

Nanginidubula ngemicibisholo yami lenashevu nalebhubhisako ngendlala, ngiyawudubulela kutsi nginibhubhise. Ngiyakunehlisela indlala etikwendlala, nekudla lokuta kini ngikuncamule.

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Zakhariya 10:7

Baka-Efrayimu bayawuba njengemadvodza lanemandla kakhulu, tinhlitiyo tabo tiyawutfokota kube shangatsi ngungeliwayini. Bantfwababo bayawukubona bajabule. Tinhlitiyo tabo tiyawujabula ngaSimakadze.

Makho 14:23

Watsatsa nendzebe, watsi nasabongile, wabanika, bonkhe banatsa kuyo.

Lukha 7:46

Wena awukayigcobisi ngemafutsa inhloko yami, kodvwa yena sewugcobise tinyawo tami ngemakha.

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

Dutheronomi 28:40

Niyawuba netihlahla temncumo yonkhe indzawo kulelive lenu, kodvwa aniyikuwasebentisa emafutsa ato, ngobe letitselo tato tiyawuhhohloka.

Dutheronomi 8:3

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.

KumaHebheru 1:9

Utsandze kulunga, watondza bubi; ngako-ke, Nkulunkulu, longuNkulunkulu wakho, ukugcobe ngemafutsa enjabulo ngetulu kwabomnakenu.”

1 yaJohane 2:20

Kodvwa-ke nine nigcotjwe nguLongcwele, nonkhe ninalo lwati.

Tikhulu 19:5

Kwatsi ngelilanga lesine bavuka ekuseni, watilungiselela kuhamba, kodvwa loyise walesingani wakhuluma kulomkhwenyane wakhe, watsi: “Ticabule ngalokudliwako kucala, bese-ke uyahamba.”

Tikhulu 9:13

“Kodvwa lomvini waphendvula, watsi: ‘Ngingacala ngilahle leliwayini lami lelingulona lijabulisa bonkulunkulu nemadvodza, ngiyewuhamba ngintengetela etikwetihlahla?’

Tikhulu 9:9

“Kodvwa sihlahla semncumo saphendvula, satsi: ‘Ngingacala ngilahle emafutsa ami, languwona enta bonkulunkulu nemadvodza bahlonipheke, ngiyewuhamba ngintengetela etikwetihlahla?’