Tihlabelelo 103:21 - Siswati 1996 Bible

²¹ Dvumisani Simakadze, nine mabandla akhe nonkhe, nani tikhonti takhe letenta intsandvo yakhe.

Tihlabelelo 103:21 Referencias Cruzadas

Genesisi 32:2

Jakobe watsi kube atibone letingilosi watsi: “Lesi sikanekiso saNkulunkulu!” Wetsa leyo ndzawo libito watsi yiMahanayimu.

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

2 Tikhronike 18:18

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi, nayo yonkhe imphi yasezulwini ime ngakuye ngesekudla sakhe nangesancele.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Tihlabelelo 104:4

Nguwe lowenta titfunywa takho tibe ngimimoya, wente tinceku takho tibe ngimibane.

Tihlabelelo 33:6

Emazulu entiwa ngelivi laSimakadze, nako konkhe lokukuwo kwentiwa ngemoya wemlomo wakhe.

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Matewu 13:41

INdvodzana yeMuntfu iyawutfumela tingilosi tayo tiyewubutsa tikhiphe konkhe lokubanga kona nabo bonkhe benti balokubi embusweni wayo,

Lukha 2:13

Masinyane kwabonakala lengilosi inesicumbi lesikhulu setingilosi tasezulwini sihlabelela sidvumisa Nkulunkulu sitsi:

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

Joshuwa 5:14

Yaphendvula yatsi: “Cha, kodvwa ngite lapha njengendvuna yemphi yaSimakadze.” Joshuwa wawa phansi ngebuso emhlabatsini, akhotsama, wayibuta watsi: “Ingabe inkhosi yami inamlayeto muni leyiwunika inceku yayo?”