Tihlabelelo 102:17 - Siswati 1996 Bible

¹⁷ anake imikhuleko yalabangenabani, angayibukeli phansi imithandazo yabo.

Tihlabelelo 102:17 Referencias Cruzadas

Nehemiya 1:11

Awu, Simakadze, indlebe yakho ayiwuve umthandazo wenceku yakho, iwuve nalomthandazo wetinceku takho letijabulela kuhlonipha Libito lakho. Nika inceku yakho imphumelelo lamuhla ngekuyipha kubonelelwa nekuvelwa ngulombusi.” Ngaleso sikhatsi ngangingumphatsi wesitja senkhosi.

Nehemiya 1:6

Indlebe yakho ayilalele, nemehlo akho avuleke, khona utekuva umthandazo wenceku yakho lewuthandaza embikwakho imini nebusuku, ithandazela tinceku takho, sive sema-Israyeli. Ngiyativuma tono tetfu, tsine ma-Israyeli, ngitifaka ekhatsi nami, sonkhe kanye nendlu yaketfu kutsi sonile kuwe.

Nehemiya 2:20

Ngabaphendvula ngatsi: “Nkulunkulu welizulu utasiphumelelisa. Ngako-ke, tsine tinceku takhe sitawusukuma sicale kwakha, kodvwa nine aninasabelo, nalungelo, nabuhlobo natsi ngeJerusalema.”

Tihlabelelo 147:2

Simakadze wakha iJerusalema kabusha, ubutsa labasakatekile baka-Israyeli.

Tihlabelelo 22:24

Ngobe akedzelelanga akanengwanga yinhlupheko yalohluphekako. Akabufihlanga buso bakhe kuye, wamuva nakakhala, acela lusito kuye.”

Tihlabelelo 69:23

Shangatsi emehlo abo angafiphatwa, bangete babona, netinyonga tabo ticeke siphelane.

Tihlabelelo 72:12

Iyamkhulula loyibitako, naloweswele, nalomphofu, nalote umsiti.

Tihlabelelo 9:18

Kodvwa labandzindzako bangeke bakhohlakale phakadze naphakadze; litsemba lalabahluphekako lingeke linyamalale siphelane.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Jeremiya 31:38

Simakadze utsi: “Emalanga ayeta lapho khona ngiyakwakhelwa kabusha lelidolobha kusukela eMbhoshongweni waHananeli kuye eSangweni Lelikona.

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Dutheronomi 4:29

Kodvwa khona lapho nanifuna Simakadze Nkulunkulu wenu, niyawumtfola nanimfunisisa ngenhlitiyo yenu yonkhe nangemphefumulo wenu wonkhe.