Tihlabelelo 102:1 - Siswati 1996 Bible

¹ Awu, Simakadze! Vani umthandazo wami. Kukhala kwami akufinyelele kuwe.

Tihlabelelo 102:1 Referencias Cruzadas

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 143:4

Ngako-ke umoya wami udzangele, nenhlitiyo yami iyatfutfumela.

Tihlabelelo 143:7

Sheshisa, Simakadze, ungiphendvule; umoya wami ushona phansi. Ungangifihleli buso bakho, funa ngibe njengalabashona emgodzini.

Tihlabelelo 145:19

Wesutsisa kufisa kwabo bonkhe labamesabako, uyabeva nabakhalako, abasindzise.

Tihlabelelo 18:6

Ngakhala kuSimakadze ngisekudzangaleni kwami, ngacela lusito kuNkulunkulu wami. Waliva livi lami asendlini yakhe, kuncusa kwami, nekukhala kwami, nekuthandaza kwami kwangena etindlebeni takhe.

Tihlabelelo 39:12

Hhawu, Simakadze! Lalela umkhuleko wami, ubeke indlebe yakho ekuncuseni kwami, ungatitibi tinyembeti tekukhala kwami. Ngobe mine ngingumfokati lokhosele kuwe, ngisihambi njengabokhokho bami bonkhe.

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Tihlabelelo 5:2

Vani livi lekukhala kwami, ungisite, Nkhosi yami naNkulunkulu wami, ngobe ngithandaza kuwe, Simakadze.

Tihlabelelo 61:2

Ngikhala kuwe ngikhashane, emajukujukwini emhlaba, ngesikhatsi inhlitiyo yami idzangele. Ngiholele edvwaleni leliphakeme kakhulu kunami.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Tihlabelelo 77:3

Ngiyamkhumbula Nkulunkulu bese ngiyabubula; ngiyacabangisisa, bese umoya wami uphelelwa ngemandla. Cabanga.

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Sililo 3:44

Utimbonye ngelifu, kuze kutebate umthandazo longefika kuwe.

Sililo 3:8

Ngisho nome sengimemeta, ngikhalela kusitwa, uyivalela ngaphandle imikhuleko yami.

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

Tikhulu 10:16

Base bayabesusa bonkulunkulu betive lababesemkhatsini wabo, bakhonta Simakadze. Inhlitiyo yakhe yase iyatsintseka ngenca yekukhala kwesive sema-Israyeli.

1 Samuweli 9:16

“Kusasa ngaso lesikhatsi ngitakutfumelela indvodza lephuma eveni lakaBhenjamini. Uboyigcoba ibe ngumholi etikwesive sami sema-Israyeli. Utawukhulula bantfu bami esandleni semaFilisti. Labantfu bami sengibabukile, nekukhala kwabo sekufikile kimi.”