Tihlabelelo 100:3 - Siswati 1996 Bible

³ Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 100:3 Referencias Cruzadas

2 Emakhosi 19:19

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

1 Tikhronike 16:14

“Yena Simakadze unguNkulunkulu wetfu, tehlulelo takhe tisemhlabeni wonkhe.

Jobe 10:3

Kuyakujabulisa yini wena lokungicindzetela, nekwedzelela umsebenti wetandla takho, ulibale kumamatsekiswa ngemacebo lentiwa ngulababi?

Tihlabelelo 119:73

Tandla takho tangidala tangibumba; ngiphe ingcondvo yekufundza imiyalo yakho.

Tihlabelelo 12:4

Shangatsi Simakadze angabajuba tilwimi laba labakhuluma bachoshe batsi: “Sigabe ngelulwimi lwetfu sitawutikhulumela, iphi leyo nkhosi lengasikhona tsine?”

Tihlabelelo 149:2

Israyeli akajabule ngenca yeMdali wakhe, bantfu beSiyoni batfokote ngeNkhosi yabo.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Tihlabelelo 78:52

Kepha wakhipha sive sakhe njengetimvu, wasihola ehlane njengemhlambi wakhe.

Tihlabelelo 79:13

Tsine-ke lesisive sakho netimvu telidlelo lakho, siyawudvumisa wena ingunaphakadze, silandzise ngeludvumo lwakho etitukulwaneni nasetitukulwaneni.

Tihlabelelo 95:3

Ngobe Simakadze nguNkulunkulu lomkhulu, unguMbusi lomkhulu lonemandla kunabo bonkhe bonkulunkulu.

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Isaya 63:11

Sive sakhe sase siyawakhumbula emalanga akadzeni, emalanga aboMosi kanye nesive sakhe, batsi: “Uphi lowa lowabeweta lwandle lolubovu bona kanye nebelusi bemhlambi wetimvu takhe? Uphi lowa lowafaka Moya wakhe Longcwele emkhatsini wabo,

Isaya 63:19

Tsine sibakho kusukela kadzenidzeni; kodvwa shangatsi wena awukabusi etikwetfu, asikaze sabitwa ngeLibito lakho.

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Hezekeli 34:11

“ ‘Ngobe naku lokushiwo yiNkhosi Simakadze, itsi: Mine ngekwami ngitatifunela letimvu tami, ngitelusele.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 32:6

Kungabe lena nguyona ndlela yini lenibonga ngayo kuSimakadze, nine sive lesilibele nalesingakahlakaniphi? Akusiyena yini longuyihlo, uMdali wenu, lowo lowanenta wanibumba?

Dutheronomi 4:35

“Letintfo natikhonjiselwa kutsi nati kutsi Simakadze unguNkulunkulu; ngaphandle kwakhe kute lomunye.

Dutheronomi 4:39

“Ngako khumbulani ningaphindzi nikhohlwe kusukela lamuhla kutsi Simakadze unguNkulunkulu, ezulwini etulu nasemhlabeni phansi. Kute lomunye.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

1 yaPhetro 2:25

Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.