Tihlabelelo 10:6 - Siswati 1996 Bible

⁶ Enhlitiyweni yakhe ucabanga utsi: “Ngingeke nginyakatiswe, ngingeke ngibe nenhlanhla lembi titukulwane ngetitukulwane.”

Tihlabelelo 10:6 Referencias Cruzadas

Tihlabelelo 11:1

KuSimakadze ngitfole siphephelo. Pho, ngabe ningeluleka njani nanitsi: “Ndizela entsabeni njengenyoni!

Tihlabelelo 14:1

Silima sikhuluma enhlitiyweni yaso sitsi: “Kute Nkulunkulu la.” Babi, benta emanyala, kute nome munye lowenta lokulungile.

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Tihlabelelo 30:6

Mine-ke ngisahleti kahle ngatsi: “Ngingeke ngitanyatanyiswe.”

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Isaya 47:7

Watsi wena: ‘Ngiyawuchubeka ngibe yindlovukazi kokuphela,’ kodvwa awuzange uticaphele letintfo nome sewubone loko lokungahle kwenteke.

Isaya 56:12

Ngulowo nalowo uyatikhalela atsi: “Wotani, ngitalilandza liwayini! Asinatseni tjwala njengekutsandza kwetfu! Likusasa nalo litawuba njengalamuhla, nome-ke libe ncono kakhulu!”

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Matewu 24:48

Kodvwa nangabe leso sisebenti lesibi sicabanga enhlitiyweni yaso sitsi: ‘Inkhosi yami isalibele,’

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

Sembulo 18:7

Niyihluphe kakhulu, kutfoswa kwayo ngetinhlupho nelusizi lwayo kube ngangekutiphakamisa kwayo nangangekutamasa kwayo. Ngobe enhlitiyweni yayo itsi: ‘Ngihleti njengendlovukazi! Angisiye umfelokati, ngeke ngifelwe, ngilile.’