Tihlabelelo 10:5 - Siswati 1996 Bible

⁵ Lomubi uyaphumelela etindleleni takhe tonkhe ngaso sonkhe sikhatsi. Tehlulelo taNkulunkulu tiphakamele khashane kulomubi, yebo, lomubi uchoshela titsa takhe.

Tihlabelelo 10:5 Referencias Cruzadas

Genesisi 6:12

Nkulunkulu wabuka umhlaba wabona kutsi wonakele, ngobe bonkhe bantfu babetiphetse ngemonakalo emhlabeni.

2 Samuweli 5:6

Inkhosi nemadvodza ayo yahloma yashuca kuyawuhlasela emaJebhusi labehlala eJerusalema. EmaJebhusi akhuluma kuDavide, atsi: “Ungeke ungenise lapha; ngisho imphumphutse nesishosha imbala, singamane sikuchilite nje wena.” Bacabanga batsi: “Davide angeke angene lapha ngekhatsi.”

1 Emakhosi 20:13

Ngasona leso sikhatsi kwefika umphrofethi enkhosini Ahabi, watsi: “Simakadze utsi: ‘Uyayibona yini lemphi lenkhulu kangaka? Ngitayinikela esandleni sakho, kuze wati kutsi mine nginguSimakadze.’ ”

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 73:3

Ngobe nganginemona nalabatigcabhako, ngesikhatsi ngibona kuchuma kwalababi.

Taga 1:19

Tinjalo tindlela talabo labatfola ingcebo ngebugelekece; timphilo tabo titsatfwa bugelekece babo.

Taga 15:24

Umuntfu lohlakaniphile uhamba ngendlela yekuphila lecondze etulu, khona ateyigwema indlela yekufa leya phansi emangcwabeni.

Taga 2:13

labalahla tindlela tekulunga bahambe etindleleni tebumnyama,

Taga 2:15

labatindlela tabo tigwegwile, nalabahamba ngetindlela tekweduka.

Taga 24:1

Ungabi namona nebantfu lababi, futsi ungafisi kutsi babe bangani bakho.

Isaya 10:1

Maye kulabo labashaya imitsetfo lengakalungi, kulabo labashaya imitsetfo yekucindzetela,

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Isaya 42:25

Ngako watfululela etikwabo intfukutselo yakhe levutsako, nebudlwangudlwangu bemphi. Yabasibekela ngemalangabi, noko abazange bacondze; yabadla, kodvwa abakufakanga enhlitiyweni.

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

KubaseRoma 3:16

Tindlela tabo tigcwele incitsakalo nelusizi,

Tikhulu 9:27

Batsi kube baphume bonkhe baye emasimini abo bayewuvuna emagelebisi, babuya bawahluta, base benta lidzili ethempelini lesithico sabo. Babetsi ngesikhatsi banatsa, badla, bacalekise Abimeleki.

Tikhulu 9:38

Zebuli wakhuluma, ambuta watsi: “Khumbula emagama akho. Akusiwe lona bewutsi: ‘Ngubani yena Abimeleki kutsi singabuswa nguye?’ Akusiwo nje lamadvodza bewuwacoloshela? Phuma-ke uyekulwa nawo!”