Tihlabelelo 10:2 - Siswati 1996 Bible

² Ngekuchosha kwalomubi, lomphofu uyahlupheka. Lomubi akabanjwe elugibeni lalwetsiyile.

Tihlabelelo 10:2 Referencias Cruzadas

Tihlabelelo 109:16

“Ngobe lomuntfu akazange akhumbule kwenta umusa, kodvwa labamphofu, nalabandzindzako, nalabanetinhlitiyo letidzabukile wabahlupha kwaze kwabasekufeni kwabo.

Tihlabelelo 119:122

Yetsembisa kutsi utayisita inceku yakho, labatigabatisako bangete bangicindzetela.

Tihlabelelo 119:5

Shangatsi tindlela tami tingacondza njalo ekutigcineni timiso takho.

Tihlabelelo 119:69

Labatigabatisako bakhuluma emanga ngami; kodvwa mine, ngitfobela imitsetfo yakho ngenhlitiyo yami yonkhe.

Tihlabelelo 119:85

Labatigabatisako bangimbela imigodzi, ngisho bona kanye labaphambene nemtsetfo wakho.

Tihlabelelo 140:5

Bantfu labatigabatisako bangibekele lugibe, bangicuphe ngetintsambo telugibe, bangibophele emafindvo endleleni yami. Cabanga.

Tihlabelelo 31:18

Shangatsi imilomo lecala emanga ingabindziswa, ngobe ihlambalata lolungile, ikhulume ngekutigcabha nangekwedzelela.

Tihlabelelo 36:11

Ungaluvumeli lunyawo lwalotigcabhako kutsi lunginyatsele, nalabangamesabi Nkulunkulu kutsi bangicoshe.

Tihlabelelo 59:12

Emavi abo asono semilomo yabo. Ababhajwe ekutigcabheni kwabo, ngobe bayacalekisa, bacale nemanga.

Tihlabelelo 7:16

Kuganga kwakhe kubuyela enhloko yakhe, buhlophoyi bakhe behlele ebuntini lakhe.

Eksodusi 18:11

Nyalo-ke sengiyati kutsi Simakadze mkhulu kunabo bonkhe labanye bonkulunkulu, ngobe ema-Israyeli uwakhulule ekugcilatweni ngesihluku ngemaGibhithe.”

Eksodusi 9:17

Noko nanyalo seloku usatikhukhumeta ngetulu kwebantfu bami, awukabavumeli kutsi bakhululeke bahambe.

Taga 5:22

Imisebenti yemuntfu lomubi ilugibe, ubanjwa elugibeni lwesono sakhe.

Isaya 14:13

Ukhulume enhlitiyweni yakho watsi: ‘Ngiyakwenyukela etulu ezulwini. Ngiyawuphakamisa sihlalo sami sebukhosi, sibe ngetulu kwetinkhanyeti taNkulunkulu. Ngiyawuhlala esihlalweni sebukhosi etikwentsaba yenhlanganiso yabonkulunkulu, esicongweni sentsaba lengcwele.

Isaya 14:16

“Labo labakubonako bayakugolotela bakucaphele, batsi: ‘Utsi lomuntfu ngabe nguye mbamba lona lowake wadvungutelisa umhlaba, wanyakatisa nemibuso?

Jeremiya 43:2

Azariya, umsa waHoshaya, naJohanani, umsa waKhareya, nawo onkhe emadvodza labetibeka embili akhuluma kuJeremiya, atsi: “Unemanga! Simakadze longuNkulunkulu wetfu akakutfumi kutsi utewutsi: ‘Kufanele ningayi eGibhithe kuyawuhlala khona.’