Tihlabelelo 10:1 - Siswati 1996 Bible

¹ Simakadze, umeleni khashane? Utifihleleni ngesikhatsi sisekuhluphekeni?

Tihlabelelo 10:1 Referencias Cruzadas

Jobe 13:24

Ubufihlelani buso bakho, ungitsatse njengesitsa sakho?

Jobe 23:9

Nasebenta enyakatfo, angimboni; nasaya eningizimu, angimfanisi ngisho nekumfanisa.

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Tihlabelelo 22:1

Nkulunkulu wami! Nkulunkulu wami! Ungishiyeleni? Ukhashane leni nekungisita? Ukhwesheleni emavini ekukhala kwami?

Tihlabelelo 27:9

Ungabufihli buso bakho kimi. Ungayincandzi ngentfukutselo inceku yakho, nguwe Somandla, lolusito lwami. Ungangiyekeleli, ungangilahli! Wena unguNkulunkulu wensindziso yami.

Tihlabelelo 30:7

Yebo, Simakadze, wangimisa ngaba njengentsaba lecinile; kodvwa watsi kube ungifulatsele, ngahlaselwa kwesaba.

Tihlabelelo 44:24

Ubufihleleni buso bakho? Ukukhohlweleni kuhlushwa nekucindzetelwa kwetfu?

Tihlabelelo 44:25

Sidzicilelwe phansi elutfulini, tisu tetfu tinamatsele emhlabatsini.

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 88:14

Awu, Simakadze! Ungilahlelani? Ungifihlelelani buso bakho?

Jeremiya 14:8

Awu, Tsemba la-Israyeli, Msindzisi wakhe ngetikhatsi telusizi, wentelani kuba njengemfokati eveni, nanjengesihambi lesihlala busuku bunye nje?

Jeremiya 14:9

Wentelani kufanana nemuntfu lomangele, ube njengelisotja lelite emandla ekusindzisa? Awu Simakadze, wena usemkhatsini wetfu, tsine sibitwa ngeLibito lakho, ungasilahli!