Tihlabelelo 1:1 - Siswati 1996 Bible

¹ Ubusisiwe umuntfu longatitsatsi teluleko tebedukisi longahlanganyeli emikhubeni yetigangi, longahlali nasemkhambatsini walabaphukuta Nkulunkulu.

Tihlabelelo 1:1 Referencias Cruzadas

Genesisi 49:6

Shangatsi ngingete ngatingena tindzaba tenu, ngingeke ngihlanganyele nani, ngobe nitsi ningatfukutsela nibulale bantfu ngebudlova benu, nigawule imisipha yetinkhomo.

Genesisi 5:24

Enoki abehamba naNkulunkulu, wase uyanyamalala ngobe Nkulunkulu abesamtsatsile.

1 Emakhosi 16:31

Akazange agcine ngekutijabulisa ngetono letatentiwe nguJerobowamu kuphela nje, kodvwa yena waze wateka naJezebeli, indvodzakati ya-Etbhali, inkhosi yemaSidoni, wamenta umkakhe; wacala kukhonta nekukhotsamela Bhali.

2 Tikhronike 22:3

Ahaziya naye wahamba etinyatselweni tebendlu yaka-Ahabi, ngobe unina wamkhutsata ekwenteni lokubi.

Jobe 10:3

Kuyakujabulisa yini wena lokungicindzetela, nekwedzelela umsebenti wetandla takho, ulibale kumamatsekiswa ngemacebo lentiwa ngulababi?

Jobe 21:16

Kodvwa umnotfo wabo awukho etandleni tabo, ngako ngiyatecwaya teluleko talababi.

Jobe 31:5

“Nangabe ngihamba ngekungetsembeki, nome-ke lunyawo lwami lusheshisile lwajakela emangeni,

Tihlabelelo 1:6

Ngobe Simakadze uyayinakekela indlela yalabalungile, kodvwa indlela yalababi iya ekubhujisweni.

Tihlabelelo 106:3

Babusisiwe labo labahamba ngebucotfo bente kulunga ngato tonkhe tikhatsi.

Tihlabelelo 112:1

Haleluya, dvumisani Simakadze! Ubusisiwe umuntfu lowesaba Simakadze, lotijabulisa ngekugcina imiyalo yakhe.

Tihlabelelo 119:115

Sukani kimi, nine lababi, kuze ngigcine imiyalo yaNkulunkulu wami.

Tihlabelelo 144:15

Sibusisiwe sive lesinaletibusiso! Sibusisiwe leso sive Nkulunkulu waso lekunguSimakadze!

Tihlabelelo 146:5

Ubusisiwe umuntfu lomsiti wakhe kunguNkulunkulu waJakobe, lolitsemba lakhe likuSimakadze, Nkulunkulu wakhe.

Tihlabelelo 146:9

Simakadze uyabalondvolota bafokati, uyabaphasa bafelokati netintsandzane, kodvwa indlela yalababi uyayibhubhisa.

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 26:12

Lunyawo lwami lume endzaweni lephephile. Simakadze ngiyawumdvumisa emibikwemabandla lamakhulu.

Tihlabelelo 34:8

Ase ninambitse nibone kutsi Simakadze muhle unemusa! Ubusisiwe lowo lokhosela kuye!

Tihlabelelo 36:4

Utsi alele abe akha emachinga ekuganga, sewuhamba ngendlela lembi, akakwenyanyi lokubi aphambane nako.

Tihlabelelo 64:2

Ngibhacise etinsongweni talababi, eticunjini talabanemsindvo, yebo, ticumbi talabenta lokubi,

Tihlabelelo 81:12

Ngako-ke ngabayekelela enkhanini yetinhlitiyo tabo, kuze batihambele ngekutsandza kwabo.

Tihlabelelo 84:12

Yebo, Simakadze wemabandla! Ubusisiwe umuntfu lowetsembele kuwe!

Taga 1:15

Ndvodzana yami, ungahambisani nebantfu labanje; ungalubeki lunyawo lwakho etindleleni tabo,

Taga 1:22

“Nine leningati lutfo! Niyawuhlala ningati lutfo kuze kube ngunini? Baphukuti bayawuphukuta kuze kube ngunini? Tona tilima titawutondzana nelwati kuze kube ngunini?

Taga 13:15

Umuntfu locondza kahle uyatsandzeka; kodvwa labo labangetsembeki basendleleni leya ekufeni.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

Taga 19:29

Kujeziswa kwemiselwa baphukuti; nekubhanjabulwa kwemiselwa imihlane yetilima.

Taga 2:12

kukuphephise endleleni yebubi nakubantfu bemanga,

Taga 3:34

Uyabahleka labo labeyisako, kodvwa unemusa kulabatfobekile.

Taga 4:19

Indlela yalababi ifanana nebumnyama, lababi abati nalapho bakhubeka bawe khona.

Taga 9:12

Nawuhlakaniphile, kusitakala wena; kodvwa nangabe usedzeleli, kutawuhlupheka wena.

Jeremiya 15:17

Angizange sengihlale emkhambatsini webatsandzi bemadzili, angizange sengitijabulise kanye nabo. Ngahlala ngedvwana, ngobe sandla sakho sasisetikwami, wawungigcwalise ngentfukutselo enhlityweni.

Jeremiya 17:7

“Kodvwa ubusisiwe umuntfu lowetsembela kuSimakadze, lotsemba lakhe linguSimakadze.

Hezekeli 20:18

Ngakhuluma kubantfwababo ehlane, ngatsi: “Ningatilandzeli timiso taboyihlo, futsi ningagcini nanemitsetfo yabo, nome nitingcolise ngetithico tabo.

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Lukha 11:28

Kodvwa Jesu wamphendvula watsi: “Yebo, kunjalo, kodvwa lokukhulu kutsi: Babusisiwe labo labeva livi laNkulunkulu, bese bayalenta.”

Johane 13:17

Nanitati-ke letintfo futsi nitenta, nibusisiwe.

Johane 20:29

Jesu watsi kuye: “Uyakholwa ngobe sewungibonile? Maye, babusisiwe labo labakholwa bangakaboni!”

KubaseRoma 5:2

Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

Kubase-Efesu 6:13

Ngako-ke hlomani tikhali tonkhe taNkulunkulu, khona nitewuba nemandla ekulwa ngelilanga lelibi, nitsi nome senicedzile kulwa, nigcine nincobile.

Dutheronomi 14:6

Ningatidla tonkhe tilwane letehlukanisa tinselo kabili naletihlabulako.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

1 yaPhetro 4:3

Ngobe lesikhatsi lesendlulile besenele kutsi nente lokutsandvwa ngemahedeni ngekuphila ngemanyala, nangetinkhanuko, nangekudzakwa, nangekumita, nangemsindvo, nangekukhonta tithico lokungakavumeleki.

Sembulo 22:14

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.