Taga 8:34 - Siswati 1996 Bible

³⁴ Ubusisiwe umuntfu longilalelako, longilindzela onkhe malanga emasangweni ami, logadza etimphundvwini teminyango yami.

Taga 8:34 Referencias Cruzadas

1 Emakhosi 10:8

Maye, bayajabula labantfu bakakho! Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho.

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Eksodusi 12:7

Lengati ibobhocwa etinsikeni temnyango nangetulu kwawo kuleyondlu lekuyawube kudlelwa kuyo.

Taga 1:21

Kumemeta kakhulu nasemahlanganweni emigwaco; kukhulume nasemasangweni emadolobha kutsi:

Taga 3:13

Ubusisiwe umuntfu lotfola kuhlakanipha nalowo lowemukela kucondza.

Taga 3:18

Kusihlahla sekuphila kulabakuphutfumako; labo labakubamba bakunkonkoshele ngulabo labajabulako.

Matewu 7:24

“Ngako-ke wonkhe umuntfu lova lamavi ami awente, ufanana nendvodza lehlakaniphile, leyakha indlu yayo etikwelidvwala.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 10:39

Abenadzadzewabo labenguMariya lowafike wahlala phansi ngasetinyaweni teNkhosi alalela kufundzisa kwayo.

Lukha 11:28

Kodvwa Jesu wamphendvula watsi: “Yebo, kunjalo, kodvwa lokukhulu kutsi: Babusisiwe labo labeva livi laNkulunkulu, bese bayalenta.”

Imisebenti yebaPhostoli 2:42

Bacinisela njalo bahlanganyela etimfundzisweni tebaphostoli, nasebudlelwaneni, nasekuhlephuleni sinkhwa, nasemithandazweni.