Taga 8:21 - Siswati 1996 Bible

²¹ Ngibahlobisa ngekuceba labo labangitsandzako, tikhwama tabo batigcwalise ngemali.

Taga 8:21 Referencias Cruzadas

Genesisi 15:14

Kodvwa ngiyawusehlulela leso sive lesiyawube sigcilata lesitukulwane sakho; emvakwaloko lesitukulwane sakho siyawuphuma sesinetimphahla letinyenti.

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Taga 1:13

Sitawutfola tonkhe tintfo letiligugu, sigcwalise tindlu tetfu ngetimphahla lesitichwagile.

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Taga 15:6

Endlini yemuntfu lolungile kunemcebo lomnyenti; kodvwa inzuzo yalomubi iletsa inhlupheko.

Taga 21:20

Umuntfu lohlakaniphile utibekela kudla nemafutsa endlini yake; kodvwa silima sidla sicedze konkhe, singatibekeli.

Taga 24:4

ngelwati tindlu tigcwaliswe ngemicebo lemihle lengakavami.

Taga 6:31

kodvwa nangabe libanjwa, kufanele likukhokhe sekuphindvwe kasikhombisa, tonkhe timphahla tendlu yakhe atetfule.

Taga 8:18

batfola ngami ingcebo neludvumo, babutfole ngami bunjinga lobungapheli kanye nekuchuma.

Taga 8:20

Ngihamba endleleni yekulunga, yebo, emikhondvweni yebumsulwa.

Matewu 25:46

Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”

KubaseRoma 8:17

Njengobe sibantfwana bakhe nje, sitindlalifa futsi: Sitindlalifa taNkulunkulu, yebo, sitindlalifa kanye naKhristu; nangabe phela sihlupheka kanye naye siyawukhatimuliswa kanye naye.

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.

1 yaPhetro 1:4

Ngalo lelitsemba sinelifa lelingapheli, lelingenasici, nalelingaphuphi, lenilondvolotelwe lona ezulwini.

Sembulo 21:7

Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.

1 Samuweli 2:8

Uphakamisa labampofu elutfulini, akhuphule labeswele etindvundvumeni temlotsa, atebahlalisa nalabahloniphekile, abente badle lifa lesihlalo sebukhosi. Ngobe tinsika temhlaba taSimakadze, umhlaba uwakhele etikwato.