Taga 7:26 - Siswati 1996 Bible

²⁶ ngobe sewubulele emadvodza lamanyenti; ungeke uwabale emadvodza lasawacedzile.

Taga 7:26 Referencias Cruzadas

2 Samuweli 3:27

Watsi kube Abneri efike eHebroni, Jowabe wamdvonsela nganhlanye esangweni, kwaba shangatsi kukhona lafuna kutsi akukhulume ngasemasitseleni. Khona lapho, wabe sewumgwaza esiswini, wafa. Ngako Abneri wabulawelwa kutsi naye abebulale Asaheli, umnakaboJowabe.

Nehemiya 13:26

Akoniswanga nguko yini loku Solomoni, inkhosi yaka-Israyeli, ngekutsatsa bafati ngalendlela lefanana nalena? Kuto tonkhe tive kwakute inkhosi leyayifanana naye. Abetsandvwe nguNkulunkulu wakhe, kangangobe Nkulunkulu wadzimate wamenta inkhosi etikwaso sonkhe sive sema-Israyeli, kodvwa noko wadvonseleka esonweni ngenca yekutsatsa bafati betive.

Taga 2:18

Indlu yakhe ibishela ekufeni, netindlela takhe tigcina endzaweni yalabafile.

Taga 23:28

Betsiya emadvodzana ebantfu bawabhacele emasitseleni njengetigebengu, batfumbe emadvodza lamanyenti bawente angasetsembeki.

Taga 6:33

Uyakushaywa ahlaziswe njengobe kufanele; lihlazo lakhe lingeke lesulwe.

Taga 7:27

Indlela leya endzaweni yalabafile icala endlini yakhe, yewuke yehlele etindlini tekufa.

Taga 9:18

Lendvodza lasayitfumbile ayati kutsi akuyi lolubuyako lapho, nekutsi labangena kuye basemajukujukwini elithuna.

1 kubaseKorinthe 10:8

Futsi singagwadli singaphingi njengobe labanye babo bagwadla, baphinga; bafa ngalanga linye labati-23 000.

2 kubaseKorinthe 12:21

Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

Tikhulu 16:21

EmaFilisti ase ayambamba, akupuluta emehlo akhe, ehla naye, amyisa eGaza. Ambopha ngemaketane elitfusi, amgayisa ekhatsi ejele.