Taga 6:34 - Siswati 1996 Bible

³⁴ Ngobe sikhwele sivusa lulaka lwalendvodza yakhe lephingelwe, nase iphindzisela, ingeke ibe nesihawu.

Taga 6:34 Referencias Cruzadas

Genesisi 39:19

Lomfati wagcina ngekutsi: “Singiphatse kanjena-ke lesigcili sakho.” Lendvuna yatfukutselela Josefa kamatima.

2 Samuweli 11:5

Bhatisheba wase uyatibona kutsi sewutetfwele, wase utfumela ligama kuDavide, wamatisa watsi: “Sengitetfwele.”

Taga 11:4

Ingcebo ingeke isite lutfo ngelilanga lentfukutselo; kodvwa kutiphatsa kahle kusindzisa umuntfu ekufeni.

Taga 27:4

Lulaka lungesabeka nentfukutselo ibe nebudlova; kodvwa kute longakhona kumelana nemona.

Taga 6:33

Uyakushaywa ahlaziswe njengobe kufanele; lihlazo lakhe lingeke lesulwe.

Taga 6:35

Kute nenhlawulo leyawukwenta lendvodza lephingelwe ibuyisane naye, futsi kute kwekuncenga lengamnika kona nome ngabe kukhulu kanganani.

Ingoma Yetingoma 8:6

Ngibeke njengeluphawu etikwenhlitiyo yakho, yebo, njengeluphawu emkhonweni wakho; ngobe lutsandvo lunemandla njengekufa, sikhwele salo asitfobiseki, sinjengelithuna. Lushisa njengemlilo lovutsako, yebo, njengelilangabi lelinemandla.

Isaya 13:17

“Bukani la, ngiyawuvusa emaMede kutsi abahlasele, bantfu labangatsengeki ngesiliva nalabangeke balingwe ngegolide.

Numeri 25:11

“Finehasi, umsa wa-Eleyazare, lotalwa ngu-Aroni, umphristi, sewukuncandzile kutfukutsela kwami ngitfukutselela sive sema-Israyeli, ngobe nguye yedvwa emkhatsini wabo lobe nenshisekelo yekugcina ludvumo lwami; ngiko nje ngingakasicedzi ngelulaka sive sema-Israyeli.

Numeri 5:14

nangabe umoya wesikhwele ungena enhlitiyweni yendvodza yakhe imsole lomkayo kantsi vele ungcolile, nome-ke imsole kantsi akangcoli,

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?