Taga 6:23 - Siswati 1996 Bible

²³ Ngobe umyalo usibane, imfundziso ikukhanya, kucondziswa ngekutsetsiswa kuyindlela yekuphila.

Taga 6:23 Referencias Cruzadas

Genesisi 39:8

Kodvwa Josefa wala, watsi: “Lalela la, inkhosi yami kute lesahlupheka ngako lapha ekhaya, ngobe konkhe ikubeke esandleni sami.

Tihlabelelo 119:105

Livi lakho lisibane etinyaweni tami, likukhanya endleleni yami.

Tihlabelelo 119:130

Kwembuleka kwemavi akho kuveta kukhanya, kuletse kuhlakanipha kulabangenakucondza.

Tihlabelelo 141:5

Ngingamane ngijeziswe ngumuntfu lolungile, loko kungumusa kimi; angamane angitsetsise, loko kungemafutsa enhloko yami, kodvwa umkhuleko wami uphambene netento letimbi talababi.

Tihlabelelo 19:8

Imitsetfo yaSimakadze icondzile, ingumtfombo wekujabula kwenhlitiyo. Umyalo waSimakadze umsulwa, uvula emehlo engcondvo.

Taga 10:17

Umuntfu lowemukela kuyalwa uyawuphila; kodvwa lona longakufuni kucondziswa uyakweduka.

Taga 15:24

Umuntfu lohlakaniphile uhamba ngendlela yekuphila lecondze etulu, khona ateyigwema indlela yekufa leya phansi emangcwabeni.

Taga 15:31

Umuntfu lolalelako nakekhutwako uyawuphila, uyawutivela asekhaya nasasemkhatsini webantfu labahlakaniphile.

Taga 29:15

Luswati nekuyalwa kunika inhlakanipho; kodvwa umntfwana longashaywa nalongayalwa uhlazisa unina.

Taga 3:18

Kusihlahla sekuphila kulabakuphutfumako; labo labakubamba bakunkonkoshele ngulabo labajabulako.

Taga 4:13

Bambelela emyalweni ungawuyekeli, uwulondvolote, ngobe uyimphilo yakho.

Taga 4:4

babe abengifundzisa atsi: “Shangatsi inhlitiyo yakho ingawabambisisa emavi ami, nemiyalo yami, khona utawuphila.

Taga 5:12

Uyawudzimate ukhale utsi: “Empeleni nje, mine ngangikutondzelani kuyalwa nekufundziswa? Ingabe ngangikutondzelani kutsetsiswa?

Umshumayeli 7:26

Ngikhandza lokubaba kakhulu kunekufa: umfati lolugibe nalonenhlitiyo lengusochaka, yebo, umfati lotandla takhe titibopho. Indvodza lejabulisa Nkulunkulu iyawubaleka kuye, kodvwa indvodza lesoni uyakuyibamba.

Umshumayeli 7:5

Kuncono kulalela nawekhutwa ngumuntfu lohlakaniphile kunekunaka kubongelelwa tilima.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Jeremiya 21:8

Simakadze wakhuluma kuJeremiya, watsi: “Tjela sive, utsi: ‘Naku lokushiwo nguSimakadze, utsi: Buka la, ngibeka embikwakho indlela yekuphila neyekufa.

Hezekeli 20:11

Ngabanika timiso tami, ngabatisa imitsetfo yami, ngobe umuntfu loyilalelako uyawuphila ngayo.

Levithikusi 19:17

“ ‘Ungamtondzi umnakenu enhlitiyweni yakho; yekhuta makhelwane wakho ungamgegi, funa wetfwale licala kanye naye.

2 yaPhetro 1:19

Ngaleyo ndlela livi lesiphrofetho laciniswa kancono kitsi. Nani nitawube nente kahle, nanililalele, naliva lakhanya njengesibane lesikhanya ebumnyameni, kuze kube ngusentsatsakusa nenkhanyeti yekusa ibonakale etinhlitiyweni tenu.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.